city axpris 2

गलत इतिहास न्ह्यब्वइगु सफू खुनाः वांछ्वल

नेवा: अनलाइन न्युज – विजयरत्न | ने.सं. ११४४ सिल्लाथ्व दुतिया

नेपाल पत्रकार महासङ्घ, प्रदेश प्रतिष्ठानं  पिकाःगु ‘अग्र अनुहार’ नांयागु सफू पितब्वज्याय् आदिवासी जनजाति पत्रकार महासंघ फोनिज व नेवाः पत्रकार राष्ट्रिय दबूपाखें तच्वकं विरोध याःगु दु ।

अन पितब्वज्या यायेत हःगु  उगु सफू लाकाः कया झ्याराझुरु खुना बिउगु खः । थथे विरोध यायेगु झ्वलय् सफू खुनाः बिउगु खःसा गलत इतिहास पिकायेके बिइमखु ब्वंके नं बिइमखु धकाः अन सः थ्वयेकूगु खः ।

उगु इलय् अन फोनिजया नायः गजुरधन रार्इ, न्वकू अमरध्वज लामा व महासचिव मिलन लिम्बुया नापनापं नेवाः पत्रकार दबूया नायः नृपेन्द्रलाल श्रेष्ठ, पत्रकार दबू येँया नायः अर्बिनमान सिंह लगायतया उपस्थिति दूगु खः ।

उगु सफूतिइ  महासङ्घया संस्थापक अध्यक्ष कृष्णप्रसाद भट्टराई धकाः च्वयातःगु दु । वि.सं. २००८ बैशाख ९ गते हे सत्यनारायण बहादुर श्रेष्ठया नायःसुइ नेपाल पत्रकार संघ नीस्वने धुंकुगु खः । जबकि भट्टराई २०१२ सालय् तिनि महासङ्घया अध्यक्ष जुउगु खः । थथे  २००८ सालय् हे सत्यनारायण बहादुर श्रेष्ठ संस्थापक अध्यक्ष जुइधुंकुगु पुष्टि जुइधुंकाः नं भट्टराईया हे नां च्वयाच्वंगुयात दुःखद् खँ धकाः धासें फोनिज व पत्रकार दबूपाखें विरोधया सः थ्वयेकुगु खः ।

गलत तथ्ययात न्ह्यब्वइगु गलत मानसिकता ज्वनाः पिकायेत्यंगु सफू पिकायेगु दिकेत फोनिजया महासचिव मिलन लिम्बू व पत्रकार दबूया सचिव राजु नापितं शनिवाः हे प्रेस विज्ञप्ति सार्वजनिक यायेधुंकुगु खः । थथे विरोधया सः थ्वयेवं उगु पितब्वज्या ज्याझ्वलय् सभामुख देवराज घिमिरे व सञ्चार तथा सूचना प्रविधिमन्त्री रेखा शर्मा उपस्थित मजुगु खः ।

उलि जुलं नं सफू पितब्वज्या यायेगु कुतः जुगुलिं सफू खुना छ्वयागु खः धका सफूया विरोधय् सः थ्वयेकुपिन्सं धाःगु दु ।

Categorized in राष्ट्रिय