1142 nhoo dan adv

गर्लफ्रेण्डयात मतिनाया हसना छ्वयेगु ऐप

२०७२ भाद्र ९, बुधबार ०७:५४:११

थः गर्लफ्रेण्डयात सदां लयेतायेका तयेगु नितिं न्हिं आपालं आपा हे हसना (सन्देश) छ्वयेगु धैगु थाकूगु ज्या जुल ।
गबलें गबलें छि थः पासापिं नाप जुइ अले थः गर्लफ्रेण्डया बारे सोचे यायेगु ई दइमखु । तर छि गर्लफ्रेण्डं थ्व खँ सीमखु ।
थुकिया समस्यायात ज्यंकेगु नितिं ब्रो–ऐप दु । एन्ड्रायड फोनय् छिं थुकियात फ्री डाउनलोड याये फइ अले आई फोनया नितिं छिं थ्यंमथ्यं करिब ६५ भारतीय रुपैंया दां पुले माः । थुगु ऐपया ज्या छगू जक खः कि गबले छि व्यस्त जुयाच्वनी उगु इलय् थुगु ऐपं छि गर्लफ्रेण्डया नितिं मतिनां जाःगु हसना(सन्देश) छ्वयाच्वनी । छि नं दंग, छि गर्लफ्रेण्ड नं मख्ख ।
इन्स्टल यायेधुंकाः थः गर्लफ्रेण्डया फोन नम्बर ऐपय् फीड यानादिसँ । थथे यायेधुंकाः छिं न्यागू हसना ल्ययादिसँ । अले थुगु हसनायात छिं सेन्ड यात धाःसा छिं गर्लफ्रेण्ड अतिकं लयेताइ ।
हसना नापं ई नं धयादिसँ । छिं चाहे जूगु खँ खः कि थः गर्लफ्रेण्डं छिगु हसना याकनं स्वयेफयेमा । छिं चाहे जुल धाःसा न्हिथं छगू या आपालं आपा हसना छ्वये फइ थुग ऐपं ।