1142 nhoo dan adv

गर्लफ्रेण्डयात दुरु व चकलेटं म्वःल्हुकूम्ह

२०७१ चैत्र २०, शुक्रबार २२:३७:१८

लण्डनया छम्ह करोडपतिं थः गर्लफ्रेण्डयात अजूचायापुगु गिफ्ट बिल । छगू होटलया साहु ३७ दँया डैनी लेम्बों थः गर्लफ्रेण्ड नताशा फ्लिनया निंतिं छगू लग्जरी बाथ याकेबिल । थुगु लग्जरी बाथया निंतिं बाथटब जायक चकलेट व दुरुं जायेका बिल । थुकिया नितिं डेनीं १०,००० पाउण्ड खर्च यायेमाल ।

थः गर्लफ्रेण्डया निंतिं थुज्वःगु थिकेगु ‘ईस्टर गिफ्ट’या निंतिं डेनीं धाइ कि, “क्लियोपेट्रा, शानशौकतया लानि खः । जिमि लानिया निंतिं चकलेटया बाथटब छगू शानदार गिफ्ट जुयाबी ।”

मिश्रया रानि क्लियोपेट्राबारे अनुसन्धान याःबलय् डेनीं लुइकल कि उम्ह रानीं गधाया दुरुं म्वः ल्हुइगु याः । अले ला छु माल, थः यज्यूया सौन्दर्यया निंतिं बाथटबयात दुरु व चकलेटं जायेकाबिल ।