नेवा: अनलाइन न्युज – ललेन्द्र शाक्य | २०७७ आश्विन ७, बुधबार १५:०१:११

मकवानपुरया भिमफेदी कुलेखानी सतकखण्ड अन्तगृत ईन्द्रसरोबर गाउँपालिका २ स च्वंगु देउराली लिक्क गन्तव्यय् वनाच्वंगु जीपयात चलखं ल्हाःगु दु ।

येँपाखें हेटौंडाय् वनाच्वंगु बा१७च ४८७४ ल्याःया जीप चलखं ल्हानाः जीप चालकया ज्यान वंगु खः । जीप चालकया सनाखत मजुनिगु प्रहरीं जानकारी ब्यूगु दु ।

प्रहरीया कथं भिमफेदी कुलेखानी सतकया देउराली लिक्क चलः कुतुंवयाः येँपाखें हेटौंडाय् वनाच्वंगु बा९७प ५१४८ ल्याःया मोटरसाइकल तकं ल्हाःगु दु ।

चलखं मोटरसाइकल ल्हाःबलय् उकी च्वनावःपिं निम्ह मनूत सामान्य घाःपाः जूगु दु । इमिगु सकुशल उद्धार यानाः वासः यायेगु नितिं येँय् छ्वयाहःगु इलाका प्रहरी ज्याकुथि भिमफेदीया प्रहरी निरीक्षक सुरेन्द्र श्रेष्ठं धाःगु दु ।

श्रेष्ठया कथ. सतकया च्वय् च्व.गु भागं ल्वहँ व चा ल्वाकज्याःगु चलः गन्तव्यय् वनाच्वगु जीप द्यःने कुतुंवःगु खः । जीपय् कुतुंवःगु चलःया ल्वहँ व चा चिइकेगु ज्या जुयाच्वंगु श्रेष्ठं धाःगु दु ।

Categorized in दुर्घटना-अपराध