coved ad

गद्यगुरु पण्डित निष्ठानन्द बज्राचार्यया १६५ क्वःगु बुदिं हन

नेवा: अनलाइन न्युज – ललेन्द्र शाक्य | २०७८ मङ्सिर २२, बुधबार १३:०२:२८

गद्यगुरु पण्डित निष्ठानन्द बज्राचार्यया १६५ कवःगु बुदिं तःजिक हंगु दु ।

येँया ओमबहाःया ओलम्पस क्लबया लिधंसाय् निष्ठानन्द स्मृति गुथिया ग्वसालय् म्हिगः ने.सं. ११४२ थिलाथ्व चौथि मंगलवाः भाषाख्यःया ऐतिहासिक व्यक्तित्व गद्यगुरु पं. निष्ठानन्द बज्राचार्यया १६५ क्वःगु बुदिं न्यायेकूगु खः ।

येँया ओमबहाः नःबही, निष्ठानन्दमार्गय् जूगु उगु ज्याझ्वलय् अनुसन्धानकर्ता काशीनाथ तमोटं पं. निष्ठानन्द बज्राचार्यया विषययात कयाः नुगःखँ तयादीगु खः ।

ओलम्पस क्लबया नायःलिसें समाजसेवी पवित्र बज्राचार्यं न्ह्याकादीगु उगु ज्याझ्वलय् पं. निष्ठानन्द स्मृति गुथिया नायः प्रा. सुवर्ण शाक्यं नं थःगु नुगःखँ तयादीगु खः ।

गद्यगुरु भाषख्यःया ऐतिहासिक व्यक्तित्व पं. निष्ठानन्द बज्राचार्यया १६५ क्वःगु बुदिं न्यायेकेगु ज्याझ्वलय् उपस्थित जुयादीपिं भाषासेवी, साहित्यकारलिसें थीथी व्यक्तिपिन्सं पं. निष्ठानन्दया झ्वाताय् स्वांमाः क्वखायेकाः व स्वां देछानाः पं. निष्ठानन्दयात श्रद्धाभाव देछाःगु खः ।

Categorized in नेवाः