nepal investment baink

गण्डकीया मुख्यमन्त्री सुरेन्द्रराज पाण्डें बिल राजीनामा

नेवा: अनलाइन न्युज – ललेन्द्र शाक्य | ने.सं. ११४४ चिल्लागा नवमि (२०८० चैत्र २१ गते) बुधवाः

गण्डकी प्रदेशया मुख्यमन्त्री सुरेन्द्रराज पाण्डें राजीनामा ब्यूगु दु ।

बुधवाः पाण्डें प्रदेश प्रमुख डिल्लीराज भट्ट न्ह्यःने राजीनामा लःल्हाःगु खः ।

फागुन २३ गते माओवादीं समर्थन लितकायेधुंकाः अल्पमतय् लाःम्ह मुख्यमन्त्री पाण्डें थ्वहे २२ गते दुने संसदय् विश्वासया मत कायेमाःगु खः । तर पाण्डें विश्वास कायेगु स्थिति मखनेधुंकाः राजीनामा बियाः मार्ग प्रशस्त यायेगु व तःधंगु दलया हैसियतय् हाकनं मुख्यमन्त्री जुइगु रणनीति छ्यःगु दु ।

गण्डकीइ निर्णायक खनेदूगु राप्रपां तत्काल छुं नं दलयात सत्ता केन्द्रीत गतिविधिइ साथ मबिइगु धायेधुंकाः पाण्डें राजीनामा ब्यूगु खः ।

गण्डकीइ एमालेया २२, माओवादीया सभामखुलिसें ८ म्ह सांसद दु । गुगु ल्याः सरकार दयेकेत मगाः । निम्ह दुजः दूगु राप्रपां गठबन्धनयात साथ मब्यूबलय् बहुमत मगाःगु व तःधंगु दलया हैसियतय् हाकनं थः हे मुख्यमन्त्री जुइगु रणनीति पाण्डेया दु ।

६० म्ह दुजःया गण्डकी प्रदेशसभाय् कांग्रेसया २७ म्ह सांसद दु । एकीकृत समाजवादीइ दुहाँ वनाः आः हाकनं स्वतन्त्र हैसियत माग याःम्ह दीपक मनाङेयात पाण्डें भौतिक मन्त्री दयेकूगु खः ।

Categorized in राजनीति