nepal life 2076 3 18

गणेशमानया परिवारं न्ह्याबलें त्याग जक यायेमाःगुला ? : प्रकाशमानया न्ह्यसः देउवा व पौडेलयात

नेवा: अनलाइन न्युज – ललेन्द्र शाक्य | २०७८ आश्विन २०, बुधबार १३:०३:१७

नेपाली कांग्रेसया नेता प्रकाशमान सिंहं कम्युनिष्टपिनिगु मनोबल अप्वःगुलि कांग्रेस सभापति शेरबहादुर देउवा जिम्मेवार जूगु धाःगु दु ।

झिंस्वक्वःगु महाधिवेशन लिपा कमजोर व्यक्तिया ल्हातय् नेतृत्व वंगुुलिं कम्युनिष्टया मनोबल अप्वःगु नेता सिंहं धाःगु दु ।

झिंस्वक्वःगु महाधिवेशनपाखें शेरबहादुर देउवा कांग्रेसया सभापति ल्यःगु खः ।

येँ महानगरय् निर्वाचित पदाधिकाराीपिनिगु भिंतुना कालबिल व म्हसीका ज्याझ्वःयात बुधवाः सम्बोधन यासें नेता सिंहं कांग्रेस कमजोर जूगु हे हुनिं कम्युनिष्टपिनिगु मनोबल अप्वःगु धाःगु खः ।

नेता सिंह धाःगु दु, झिंस्वक्वःगु महाधिवेशनलिपा कांग्रेसं कमजोर नेतृत्व काल । लिच्वः कथं कम्युनिष्ट या मनाोबल अप्वयाः वःगु दु । झिंप्यक्वःगुु महाधिवेशनपाखें डायनामिक सभापति ल्ययेगुया विकल्प मदु ।

पार्टीइ सभापति देउवा व बरिष्ठ नेता रामचन्द्र पौडेल लिपा थःहे बरिष्ठ जूगु धासें नेता सिंहं थुगुखुसि छुं नं हालतय् लिमचिलेगु न्ह्यथंगु दु ।

थुकियाबारे देउवा व पौडेलयात जानकारी बिइधुनागु धासें सिंहं धाःगु दु, जि सभापति जुइमज्यूगु कारण इमिसंं क्यनेमाल । गणेशमानया परिवारं न्ह्याबलें त्याग जक यायेमाःगुला ?

२०७२ सालय् जूगु झिंस्वक्वःगु महाधिवेशनय् थः मदंसे रामचन्द्र पौडेल व शशांक कोइरालायात ग्वाहालि यानागु धासें नेता सिंहं धाःगु दु, आःतक स्वनिगःपाखें सु पार्टी सभापति जूगु दु ? छु झीपिं सदां मेपिनिगु झोला जक कुबियाः जुइगुला ?

Categorized in राजनीति