zero media family planning adv

गढीमाई मेलाय् च्याद्वःम्ह मेय् बलि !

नेवा: अनलाइन न्युज | २०७६ मङ्सिर १८, बुधबार १३:१३:१५

बरियापुरय् बलिया नितिं प्रसिद्ध गढीमायृ मेलाय् मंगलवाःनिसें पशुबलि सुरु जूगु दु । महागढीमाई नगरपालिका–१ य् च्वंगु बरियापुरय् मंसीर १ गतेनिसें न्ह्याःगु लच्छियंक.या मेलाया १७ न्हुया दिं पंचबलि बियाः पशुबलि सुरु याःगु खः ।

गढीमाई देगः क्षेत्रया ब्रम्हथानय् पंचबलि बियाः पशुबलि न्ह्याकीगु धार्मिक परम्परा दु । देगःया मू पुजारीलिसें मेमेपिं पुजारीं न्याघौ ताःहाकःगु पूजा यायेधुंकाः मेय् बलि सुरु याःगु खः । धार्मिक विधिकथ. छुं, खाचा, दुगु, फा व मेय् यानाः पंचबलि ब्यूगु खः ।

बलिया नितिं सलंसःया ल्याखय् ‘मारक’ खटेयाःगु खः । मेला ब्यवस्थापन समितिया कथं ८,००० सिबें अप्वः मेय् बलि ब्यूगु दु । पंचवर्षीय गढीमाई मेला बलिया नितिं प्रसिद्ध जू । नेपाः व भारतया लखौं भक्तालुया उपस्थिति दइगु गढीमाई मेलाय् थःगु मनोकांक्षा पूवनीगु विश्वासय् भक्तजनपिन्सं बलि छायेगु याइगु खः ।

मंसीर १७ गते पंचबलिलिसें मेय् बलि व १८ गते दुगु बलि छाःगु खः । पंचबलि क्वचाये धुंकाm भक्तालुपिन्सं दुगु तकं बलि ब्यूगु खः ।

देगःया मू पुजारी शिव चौधरीं धार्मिक विधि व पूजा लिपा तुयुम्ह छुं, खाचा, दुगु, फा व मेय् पंचबलि बियाः पशुबलिया सुरु याःगु धाःगु दु । चौधरीं धाःगु दु, “गढीमाई तःधंगु शक्तिपीठ खः । थन भक्तालुपिनिगु तःधंगु आस्था दयाच्वंगु दु । भक्तालुपिन्सं थःपिनिगु मनोकांक्षा पूवनेधुंकाm बलि छायेगु याइगु खः ।”

मेला ज्वःछि १ लख पशुपंक्षीया बलि छाइगु अनुमान याःगु दु । न्यादँ न्ह्यःया मेलाय् ५,००० सिबें अप्वः मेय् बलि ब्यूगु खः । सर्वोच्च अदालतं बलिप्रथायात निरुत्साहित यायेत आदेश तकं ब्यूगु खः । थ्वसिबें न्ह्यः बलिया विषयस मेला समितिं तकं खुलस्त जुयाः न्वःवाये चाहेमजुगु खः । मेला समितिया पदाधिकारीं सर्वोच्च या आदेश व भक्तालुया आस्थाया दथुइ थःपिन्सं छुं न्वःमवायेगु धासें वयाच्वंगु खः ।

बलिया नितिं मेला समितिं वधशाला तयारी याःगु खः । वधशाला दुने तयातःपिं मेय् हेरचाह यायेगु नितिं जक १ दर्जन मनूत खटेयाःगु खः । ख्वाउँसे च्वंगु हुनिं ल्वय् जुयाः वधशाला दुने च्वंपिं सलंसः मेय बलि बिइ न्ह्यः हे सीगु खः ।

वधशाला दुनेया मेय् स्यायेधुंकाः नेपाल भेटेनरी एशोसियनया नायः डा. शितलकाजी श्रेष्ठ नेतृत्वया पुचलं मेय् जाँच तकं याःगु खः । सीपिं मेय् धाःसा जमिन दुने ल्हाकूगु दु ।

न्यादँ–न्यादँय् छक्वः जुइगु गढीमाई मेलाया प्यसः दँसिबें न्ह्यःया इतिहास दु । थ्यंमथ्यं प्यसः दँ न्ह्यः बरियापुरया भगवान चौधरी मकवानपुरगढीइ कैदी जीवन बितेयानाच्वंगु खः । जेलय् हे च्वनाच्वंगु इलय् गढीमाई माता प्रकट जुयाः थःत बरियापुर यंकेत आग्रह यायेधुंकाः चौधरीं मूर्ति स्थापना याःगु कथन दु ।

मूर्ति स्थापना यायेधुंकाः चौधरी देगःया मू पुजारी जूगुु खः । आः वया ११ औं पुस्ता शिव चौधरी देगःया मू पुजारी जुयाच्वंगु दु ।

पंचबलिया इलय् रौतहट सिमराया झाक्री दुख्त चौधरीं थःगु म्हगःया न्यागु थासं हि छायेगु याःगु दु । पंचबलिय थःगु हि छाःम्ह दुख्त नं ११ औं पुस्ता खः । थ्वसिबे. न्ह्यः वया न्ह्यःया पुस्तां प्रत्येक मेलाय् जुइगु पंचबलिइ थःगु म्हगःपाखें हि छायेगु याःगु खः ।

बलिया हुनिं हे चर्चाय् दूगु बरियापुरय् गढीमाईया मूर्ति स्थापना जुइधुंकाः अन भक्तालु वइगु क्रम अप्वःगु खः । स्थानीय ७२ दँया किसुन साह नं माताप्रतिया विश्वा अप्वयाः वनेधुंकाः नेपाःया थीथी थासं व भारतं तकं भक्तालु वयेगु याःगु खः ।

भक्तालुया ल्याः अप्वयेधुंकाः मेला ब्यवस्थापन या चुनौती थप जुजुं वंगु दु । मेला ज्वःछि थ्यंमथ्यं १ करोड भक्तालुं द्यः दर्शन यानाः लिहाँ वनीगु अनुमान मेला समितिं याःगु दु ।

महागढीमार्य नगरपालिकां गढीमाई विकास क्षेत्र अवधारणलिसें प्रस्तावना संघीय सरकारयात लःल्हायेधुंकूगु नगर प्रमुख उपेन्द्र यादवं धाःगु दु । गढीमाई मेलाया सुरक्षाया नितिं आः १,००० म्हसिबें अप्वः नेपाल प्रहरी व सशस्त्र प्रहरी खटेयाःगु दु । सादा वसतय् तकं प्रहरीपिन्सं मेलाया निगरानी यानाच्वंगु दु । मेला स्थलय् सीसीटिभी तकं जडान यानातmगु दु ।

बलिइ पत्रकारपिन्त निषेध :

मेला ब्यवस्थापन समितिं पंचबलि व मेय् बलिया लू खिचेयायेत पत्रकारपिन्त निषेध याःगु दु । न्हापांगु मेलाय् पत्रकारपिन्त सहज पहुँच ब्यूगु मेला समितिं थुगुखुसि धाःसा प्रतिबन्ध तःगु खः । बलिया विरोध जुइधुंकाः मेला समितिं पशुबलिया किपाः, भिडियो पिने मयंकेत पत्रकारपिन्त रोक तःगु खः ।

पंचबलिया लू खिचेयायेत्यंपिं पत्रकारपिन्त मेला समितिया पदाधिकारीपिन्सं लछारपछार तकं याःगु खः । मेला समितिं किपाः व भिडियो खिचेमयायेत आग्रह यानाच्वंगु दु ।

मेय् बलि जुइगु वधशालाय् पत्रकारपिन्त दुने छ्वःगु मदु । पःखाः च्वय् तकं कााडे तार तयाः बलियात वधशाला दुने हे सीमित तयेगु मेला समितिया कुतः खः ।

वधशाला दुने दुहाँ वनेमखने धुंकाः पत्रकारपिन्सं पःखाःया प्वालं बलिया लू कैद यायेगु तकं कुतः याःगु खः ।

बलि प्रथा निरुत्साहित मजुल :

पशु कल्याण संघया नायः स्नेहा श्रेष्ठं सर्वोच्च अदालत. बलि प्रथा निरुत्साहित यायेत आदेश ब्यूसां नं गढीमाई मेलाय् अथे मजूगु धाःगु दु ।

धार्मिक आस्थाया नामय् पशु बलि मछायेत आग्रह यासें गढीमाई देगः क्षेत्रय् पशु कल्याणया नितिं अभियान न्ह्याकाः वयाच्वंम्ह श्रेष्ठं मेला समितिं बलि न्यूनीकरण यायेत च्यूताः मप्वंकूगु द्वपं ब्यूगु दु ।

Categorized in स्थानिय-समाज