1142 nhoo dan adv

गज्जब का ! ल्वहँया चमत्मकार (किपाः स्वयादिसँ)

२०७२ चैत्र ३०, मंगलबार ११:०८:२९

ल्वहँया वजन २ लख २६ हजार किलो

सन् २००८ स मद्रासया गभर्नर आर्थर ललीं उगु ल्वहँयात न्हय्म्ह किसिपाखें सालेत स्वःबलय् इकधिक नं संके मफूगु ल्वहँ खः ।

दक्षिण भारतया महाबलीपुरमय् छगः थुज्वःगु रहस्यमय अजूचायापूगु ल्वहँ दु, गुगु अजूचायापूगु कथं थ्यंमथ्यं ४५ डिग्रीया झुकावय् थानाच्वंगु दु ।

गुलिस्यां उगु शिला भगवानं हयाः अन पलिस्था यानातःगु विश्वास याइसा गुलिस्यां मेगु हे ग्रहया प्राणी अर्थात् एलियनया करामत जूगु दाबी यानाच्वंगु दु ।

सन् २००८ स मद्रासया गभर्नर आर्थर ललीं उगु ल्वहँयात न्हय्म्ह किसिपाखें सालेत स्वःबलय् इकधिक नं संके मफूगु ल्वहँ खः । उगु ल्वहँ थ्यंमथ्यं १३०० दँसिनें अन लानाच्वंगु विश्वास यानातःगु दु । ल्वहँया वजन थ्यंमथ्यं २ लख २६ हजार किलो दु ।

थुगु ल्वहँ खनीबलय् अतिकं खतरनाक खनेदु । न्ह्याग्गु इलय् नं उगु ल्वहँ बुर्लुंङ्ग तुलाः वइला धयाथें जुइ । तर नं तःदँनिसें थुगु ल्वहँ छिसिक्क गाडे जुयाच्वंगु नं मदु । उकिं अन वइपिं पर्यटकपिं ल्वहँलिसें अझ धाये कि ल्वहँया हे तःलय् वनाः च्वनाः किपाः कायेगु याइ । थुगु ल्वहँयात भगवान श्रीकृष्णया धौया ग्वारा नं धायेगु याः ।