coved ad

ख्वाउँगु हुनिं धनुषा व सप्तरीइ निम्ह सित

नेवा: अनलाइन न्युज – ललेन्द्र शाक्य | २०७८ पौष २१, बुधबार १२:१२:३९

छुं दिं थुखे अप्वःगु अतिकं ख्वाउँगु व शीतलहरया हुनिं धनुषा व सप्तरीइ यानाः निम्ह मनू चिकुयाः सीगु दु ।

सीपिं धनुषाया क्षिरेश्वरनाथ नगरपालिका ५ या ६० दँया समुद्रीदेवी यादव व सप्तरीया महदेवा गाउँपालिका ४ या ६५ दँइा देवनारायण ठाकुर खः ।

यादवया जनकपुरधामय् च्वंगु प्रादेशिक अस्पतालय् वासः यायेगु झ्वलय् सीगु जिल्ला समन्वय समितिया प्रमुख रामदेव बनरैत यादवं जानकारी ब्यूगु दु ।

अथेहे, ख्वाउँसे च्वनाः चिकुयाः सप्तरीया ठाकुरया वासः यायेगु नितिं अस्पताल यंकेत्यंबलय् सीगु गाउँपालिकाया न्वकू ममता यादवं धाःगु दु ।

अतिकं ख्वाउँगु व शीतलहरं जनजीवन कष्टकर यायेधुंकाः धनुषाया प्यंगू स्थानीय तह नं स्कूलय् बिदा ब्यूगु खः । क्षिरेश्वरनाथ नगरपालिका, नगराइन नगरपालिका, मुखियापट्टी गाउँपालिका व लक्ष्मीनियाँ गाउँपालिकां सुचं सार्वजनिक यानाः स्कूल बन्द जूगु जानकारी ब्यूगु खः ।

ख्वाउँगु हुनिं त्वाःत्वालय् मिँ च्याकाः मिँ पनेगु ज्या अप्वयाः वयाच्वंगु दु ।

Categorized in स्थानिय-समाज