1142 nhoo dan adv

ख्वपय् डिभाडरया न्यानाः मोटरसाइकल दुर्घटना, छम्ह मन्त

नेवा: अनलाइन न्युज – निश्चल | २०७८ मङ्सिर ४, शनिबार १०:२७:३६

ख्वपय् मोटरसाइकल दुर्घटना जुया छम्ह सिइगु दु । थथे सिइम्ह काभ्रेया  रोशी गाउँपालिका( ३ छेँ जुया कलंकी च्निम्ह २२ दँया मिलन तामाङ जुगु खँ प्रहरी धाःगु दु ।

मोटरसाइक दुर्घटना लिपा पिटरं ल्हानाः तच्वकं घाःपा जुम्ह मिलनया वासः यायेगु नितिं भक्तपुर अस्पतालय् यकेगु झ्वलय् सिइगु खँ महानगरीय प्रहरी परिसर भक्तपुरं जानकारी ब्यूगु दु ।

बिहीवाः चान्हय् १.४५ बजे सूर्यविनायक नगरपालिका(६ अरनिको राजमार्गया जगाती पाखें  सूर्यविनायक वनाच्वंगु बाग्मती प्रदेश ०२(०३० प ०१६८ नं या मोटरसाइकलं प्रदेश नं। ३(०१(००३ क.७८५१ नं. या टिपरयात ओभरटेक यायेगु झ्वलय्  सडक डिभाडरया न्यानाः दुर्घटना जुगु खः ।

 

Categorized in दुर्घटना-अपराध