Header Nepal rastra bank Adv

ख्वपय् टिपर व मोटरसाइलक ल्वानाः निम्ह सित

नेवा: अनलाइन न्युज – ललेन्द्र शाक्य | २०७९ आषाढ ९, बिहिबार १०:२८:३२

ख्वपया सूर्यविनायक नगरपालिका ८ आदर्शचोक लिक्क टिपरलिसे ठक्कर नयाः मोटरसााइकलय् च्वनावःपिं निम्ह मनू सीगु दु ।

सूर्यविनायकं जगातीपाखे वनाच्वंगु बा८९प ७८७६ ल्याःया मोटरसाइकल व अःखः दिशां वयाच्वंगु बा४ख ५२९८ ल्याःया टिपर थौं बिहिवाः सुथय् २ः१५ ता इलय् थःथवय् ल्वानाः निम्ह मनू सीगु खः ।

सीपिंमध्ये ख्वप नगरपालिका २ वडा ब्यासी च्वनीम्ह १९ दँया निश्चल चौगुठीया जक सनाखत जूगु प्रहरी परिसर ख्वपया सुचं अधिकारी लिसें डिएसपी राजु पाण्डें जानकारी ब्यूगु दु । २०–२१ दँयाथें खनेदुम्ह मेम्ह मिजंया धाःसा सनाखत मजुनि । सीम्ह ख्वप अस्पतालय् तयातःगु दु ।

दुर्घटनाय् घाःपाः जूपिं इमिगु ख्वप अस्पतालय् वासः यायेगु झ्वलय् थौं बिहिवाः सुुथय् ३ ता इलय् सीगु खः ।

टिपर चालक दोलखाया मेलुङ ३ छेँ जुयाः थौंकन्हय् येँया सुकेधारा च्वनीम्ह ३५ दँया धनबहादाुर ठोेकरयात प्रहरी वृत्त जगातीं नियन्त्रणय् काःगु दु ।

Categorized in दुर्घटना-अपराध