nepal investment baink

ख्वपय् जुवा खालं पत्रकारलिसें १५ म्ह ज्वन

नेवा: अनलाइन न्युज – ललेन्द्र शाक्य | २०७८ कार्तिक २१, आइतबार १०:३८:२८

ख्वपय् १५ म्ह जुवाडे प्रहरीं ज्वंगु दु । ख्वप जिल्लाया चाँगुनारायण नगरपालिका ८ सुडाल पुरीगामय् च्वंगु मणिराम पुरीया छेँय् जुवा म्हिताच्वंपिं १५ म्हेसित प्रहरीं शनिवाः बहनी ज्वंगु खः ।

जुवा म्हिताच्वंगु सुचं वयेधुंकाः खटेजूपिं प्रहरी पुचलं इमित १२ लख ४३ हजार ७८० तका दांलिसें नियन्त्रणय् काःगु महानगरीय प्रहरी परिसर ख्वपं जानकारी ब्यूगु दु ।

ज्वंपिं जुवातास म्हितकूम्ह छेँधनी ५२ दँया मणिराम पुरी, जुवा म्हितूपिं २५ दँया सुशील खत्री, २८ दँया चन्द्रशेखर खत्री, ३३ दँया नवराज खत्री, ५१ दँया राजन कार्की, ४२ दँया चिरञ्जीवी फुँयाल, ३० दँया जनक खत्री, ४३ दँया जीवन श्रेष्ठ, ३७ दँया परमेश्वर थापा, ३८ दँया प्रेमकुमार विब, ४५ दँया सरोज भण्डारी, ३९ दँया विनोद तिमिल्सिना, ३५ दँया विकास लामा, ३८ दँया रुपेश न्याजु व येँ गोकर्णेश्वर नगरपालिका २  नयाँ पाटीया ५० दँया रामु भण्डारी खः ।

प्रहरीया कथं ज्वंपिं सुं सुं राजनीतिक दलसम्बद्ध युवापिं व सुं पत्रकारतकं लाःगु दु । थ्वसिबें न्ह्यः नं चाँगुनारायणपाखें सुं युवा नेतापिं लिसें प्रहरीं ज्वनाः ९ हजार धरौटीइ त्वःतूगु खः ।

प्रहरीं नेताया नां धाःसा सार्वजनिक याःगु मदु । मणिराम पुरीं थ्वसिबें न्ह्यः नं तःक्वःमछि जुवातास म्हितकाः वयाच्वंगु अनुसन्धानपाखें सीदूगु प्रहरीं धाःगु दु ।

Categorized in दुर्घटना-अपराध