Newa Ekata Diwas Gosthi Adv

खोनाय् जुइगु नेवाः एकता दिवसय् ब्वति कायेत इनाप

नेवा: अनलाइन न्युज – ललेन्द्र शाक्य | २०७७ पौष २९, बुधबार १७:००:१३

थ्वहे वइगु पोहेलाथ्व नवमी (माघ ९ गते) शुक्रवाः खोनाया खुडोलय् न्हिनसिया ११ ता इलय् जुइगु ११ क्वःगु नेवाः एकता दिवसय् ब्वति कायेत सकलसित इनाप याःगु दु ।

नेवाः देय् दबूया संयोजनय् थीथी खलः पुचः दुथ्याःगु पुचलं म्हिगः मंगलवाः छगू विज्ञप्ति सार्वजनिक यासें थथे इनाप याःगु खः ।

उगु सार्वजनिक जूगु विज्ञप्तिइ नेवाः स्वायत्त राज्य पलिस्था यायेगु हे नेवाः आन्दोलनया मू आज्जु जूगु खँ न्ह्यथंसें थौंकन्हय् नेवाः मुद्दायात कयाः थीथी कथं जुयाच्वंगु आन्दोलनयात एकीकृत यायेमाःगु खँ न्ह्यथनातःगु दु ।

थ्वहे झ्वलय् नेवाः न्ह्यलुवाःपिन्सं थ्वहे वइगु माघ ६ गते न्हिनसिया ३ ता इलय् येँया नेपाः ब्यांक्वेटय् नेवाः एकता दिवसया सन्दर्भय् वर्तमान राजनीतिक अवस्था व नेवाः एकतायात कयाः सभा यायेत्यंगु दु ।

Categorized in नेवाः