nepal life 2076 3 18

खोकनाया कविना अमेरिकी राष्ट्रपति लाईफ टाइम अचिभ्मेन्ट अवार्ड २०२१ पाखें सम्मानित

नेवा: अनलाइन न्युज – ललेन्द्र शाक्य | २०७८ मङ्सिर ८, बुधबार १७:३५:१२

नेपालभाषा कलाकारिता ख्यःया छम्ह नांजाःम्ह कलाकार कविना महर्जन अमेरिकी राष्ट्रपति लाईफ टाइम अचिभ्मेन्ट अवार्ड २०२१ पाखें सम्मानित जूगु दु ।

कलाकार कविना महर्जन तःदँ न्ह्यःनिसें ब्याहा लिपा अमेरिकाय् च्वनाः वयाच्वंम्ह कलाकार खःसा अमेरिकाय् च्वनाः कलाकार कविना महर्जनं थःगु देय् व थःगु जातिया म्हसीका कथं थीथी वसः, तिसालिसें नेपाः व नेवाः म्हसीका बिइगु ज्याझ्वः न्ह्याकाः वयाच्वंम्ह खः ।

म्हो जक नेपालभाषा कलाकारिता ख्यलय् म्यूजिक भिडियो म्हिताः लोकं ह्वायेत ताःलाःम्ह कलाकार कविना महर्जन यलया खोकनाया बासिन्दा खः । कविनां खोकनाया श्री युवा प्रतिभा विद्या मन्दिर माध्यमिक विद्यालयपाखें एसएलसी परीक्षा न्हापांगु ब्याच २०५५ य् सर्वोकृष्ट ल्याः हयाः सम्मानित जुइत ताःलाःगु खः ।

आः वयाः अमेरिकाय् च्वनाः नं नेपाः व नेवाः समुदायया म्हसीका उजागर यायेत ताःलाःम्ह कविनायात नेपाःया न्हापांम्ह मिसा कलाकारया रुपं अमेरिकी राष्ट्रपति लाईफ टाइम एचिभ्मेन्ट अवार्ड २०२१ पाखें सम्मानित जुइत ताःलाःगु खः ।

कलाकार कविना महर्जनं जनगायक भृगुराम श्रेष्ठया सलं थ्वयाच्वंगु अतिकं लोकंह्वाःगु नेपालभाषाया म्ये ‘माया रे रतन, जि नं छंके माया...’ बोलया म्यूजिक भिडियो मिसा मोडल कथं म्हिताः थःगु कलाकारिता ख्यलय् धिसिलाःगु म्हसीका ब्वयेत ताःलाःगु खः ।

Categorized in कला