newayatataad 2

खुदँ दुम्ह मिसामचा बलात्कार हत्याया दोषीयात कारवाही माग

नेवा: अनलाइन न्युज – ललेन्द्र शाक्य | २०७७ मङ्सिर ११, बिहिबार १३:३५:०२

राष्ट्रिय जनमोर्चां महोत्तरीया बर्दिबासय् खुदँ दुम्ह मिसामचा गुलाब खातुनया बलात्कार हत्या याःगु घटनाया दोषीयात कडा कारवाही यायेत माग याःगु दु ।

पार्टीया प्रवक्ता दुर्गा पौडेलं छगू विज्ञप्ति सार्वजनिक यासें मिसामचाया बलात्कार व हत्याया घटना निरन्तर जुयाच्वंगुलिं जनताया सुरक्षाया स्थिति अतिकं कमजोर जूगु व शान्ति सुरक्षाप्रति सरकार उदासीन जूगु द्वपं ब्यूगु दु । थुकथं द्वपं बिसें मिसामचाया हत्या स्वीकार याःम्ह स्थानीयबासी अरुण शाहयात कारवाही यानाः पीडितपिन्त न्याय बियत माग याःगु दु ।

पीडितयात न्याय बिइगु पलेसा न्याय माग याःपिं जनतायात दमन याःगु घटनाया नं छानबिन यायेत पार्टीं माग याःगु दु ।

Categorized in दुर्घटना-अपराध