1142 nhoo dan adv

खिचाया ला नइगु नखः

२०७२ मङ्सिर ५, शनिबार १८:०८:१७

झीसं मोहनी नखःयात ला नखःया रुपय् कायेगु याना च्वना । मोहनी बलय् झीथाय् थीथी कथंया लाया परिकार दयेका नयेगु याइ । थुकी अप्वः धयाथें मेय्या ला दइ । तर चीनय् धाःसा झीगु मोहनी नखःया हे जःखः खिचाया ला नइगु नखः हनेगु याइ ।


हरेक दँ अक्टोवरया १९ तारिखया न्हि खुन्हु हनीगु खिचाया ला नयेगु नखलय् द्वलंद्वः खिचातय्गु बलि बियाः उमिगु ला नयेगु चलन दु ।
झेंजियाङ प्रान्तया जिन्हुआ शहरय् न्यायेकीगु थुगु नखलय् किङ्गदाओ शहरया वियर नखः थें खः । थुगु नखलय् धाःसा अय्लाःया थासय् खिचाया ला नयेगु याइ ।
जनावर अधिकारकर्मीपिसं तसकं विरोध यानाच्वंगु थुगु नखःया नितिं देय्या थीथी ब्वं थीथी जातया खिचात हयेगु याइ । खिचायात स्यानाः अन हे वयागु ला छुयाः नयेगु याइ । तर थुगुसी धाःसा जनावर अधिकारकर्मीपिनिगु विरोधया हुनिं थुगुसी धाःसा थुगु नखः मन्यायेकेगु अनया स्थानीय सरकार घोषणा याःगु दु । थुकिं थुगु नखः हनेत धकाः खिचात मुंकातःपिं मनूत हिस्स जूगु दु ।


थुकथं हे जनावर अधिकारकर्मीपिसं नं स्यायेत हःपिं खिचातय्गु भविष्य आः छु जुइगु खः धकाः विचाः यानाच्वंगु दु । जनावर अधिकारकर्मीपिसं बलि बिइत हःपिं खिचातय्गु उचित व्यवस्थापन यायेमाःगु माग यानाच्वंगु दु ।