prabhu baink new

खः व जः झी पद्मरत्न (चिनाखँ)

–इन्द्रमान महर्जन

देसया नितिं ज्यान पाःम्ह
ख व जः झी पद्मरत्न
भाषा जाति सेवा याना
ह्वयावन थौं लुँस्वां जुयान ।।

गबलें म्हाः मधाइम्ह व
मातृभाषाया सेवा यायेत न
थःगु भाषा थःगु तजिलजि म्वाकेत
गबलें न त्यान्हु मचायेकिम्ह
खः व जः झी पद्मरत्न
ह्वयावन थौं लुँस्वां जुयान ।।

छ सः खः जिमिगु नितिं
जुल स्व ज्ञानया अमूल्य रत्न
ज्ञान बियाः सकल युवातय्त
दना वा धकाः सः थ्वयेकुम्ह
नेपाः देय्या काय् जुयाः
ग्याःचिकु हे गबलें मचाःम्ह
खः व जः झी पद्मरत्न
ह्वयावन थौं लुँस्वां जुयान ।।

नेपाःमांया काय् खः झीपिं
दनेनु झी थःगु तुति चुलान्ह
ज्ञान झीसं काये सयेके
बुद्धया व अमूल्य रत्न
पद्मरत्न जः जुल थौं
बुद्धया वं ज्ञान कयान
थुइकल तजिलजी छु खः धकाः
छम्ह नेवाःया काय्मचा जुयान्ह
वइगु सः न्यन्यं
कुहाँ वल युवा वर्ग
नेवाः राज्यया ध्वाँय् ब्वयेकान्ह
उकिं ला नेपाःमिं न ज्यान पाल
आन्दोलनय् ब्वति कयान
खः व जः झी पद्मरत्न
ह्वयावन थौं लुँस्वां जुयान ।।