zero media family planning adv

क्वारेन्टाइनय् च्वनाच्वंम्ह २२ दँया मिसा सित

नेवा: अनलाइन न्युज – ललेन्द्र शाक्य | २०७७ जेठ २०, मंगलबार १५:००:३०

बैतडीया क्वारेन्टाइनय् च्वनाच्वंम्ह छम्ह मिसा सीगु दु । २२ दँया उम्ह मिसा सीगु खः ।

बैतडीया पुर्चौडी नगरपालिका ४ भटनाय् च्वंगु मालिका माध्यमिक विद्यालयया क्वारेन्टाइनय् च्वनाच्वंम्ह उम्ह मिसा नुगःचु (मुटु)या दीर्घ ल्वगि खः । व १८ गतेनिसें क्वारेन्टाइनय् च्वंवःगु खः ।

सीम्ह उम्ह मिसा जेठ १६ गते गौरीफन्टा नाका जुयाः बैतडी वःगु खः । उम्ह मिसा भारतया पंजावं नुगःचु ल्वय् वासः याकाः लिहाँ वःगु खः । आःतक उम्ह मिसा सीगुया हुनिं सीमदुनि ।

आः सीम्ह मिसालिसें वया भाःत, १८ महिनाया काय् व छम्ह थःथितिया स्वाब मुंकेगु तयारी जुयाच्वंगु दु ।

Categorized in स्थानिय-समाज