zero media family planning adv

क्यान इन्फोटेक बैशाख २८ गतेनिसें जुइगु

नेवा: अनलाइन न्युज – ललेन्द्र शाक्य | २०७७ चैत्र ३, मंगलबार ११:२१:२७

थुगु दँया क्यान इन्फोटेक वइगु बैशाख २८ गतेनिसें न्ह्याइगु जूगु दु । कम्प्युटर एशोसिएसन नेपाल (क्यान)पाखें आइतवाः पत्रकार सम्मेलन यानाः मेलाबारे जानकारी ब्यूगु खः ।

क्यान इन्फोटेक बैशाख २८ गतेनिसे जेठ २ गतेतक येँया भृकुटीमण्डपय् जुइगु जूगु दु । कोरोना महामारीया हुनिं थुगु दँ विगतया दँय् सिबें थ्यंमथ्यं स्वला लिपा लाकाः मेला ग्वसाः ग्वयेत्यंगु खः । कोरोना संक्रमणया जोखिम म्हो मजुनिगुलिं मेलाय् स्वास्थ्य सतर्कताया सकतां मापदण्ड धाःसा पालना यायेगु ग्वसाः खलकं जानकारी ब्यूगु दु ।

क्यान इन्फोटेकया प्रवेश टिकटयात थुगु दँ पेपरलेस यायेगु ग्वसाः खलकं जानकारी ब्यूगु दु । सर्वसाधारणया नितिं सच्छि व विद्यार्थीया नितिं न्येतका दां प्रवेश शुल्क क्वःछ्यूगु दु । सरकारी व सामुदायिक शिक्षण संस्थायात धाःसा पौया आधारय् निःशुल्क प्रवेश याकेगु ग्वसाः खलकं जानकारी ब्यूगु दु ।

थुगु दँ नं ३ लखं मेलाया अवलोकन याइगु आशा याःगु दु । नेपालय् सूचना प्रविधि व मनोरञ्जन सम्बन्धी वार्षिक रुपं ग्वसाः ग्वयाः वयाच्वंगु क्यान इन्फोटेकया आः जुइगु मेला २९ क्वःगु संस्करण खः ।

Categorized in बजाः