Mohanai 2078 KTM

कोलम्बियाया फार्क विद्रोहीया आक्रमणय् लानाः न्याम्ह सर्वसाधारण सित, १२ म्ह घाःपाः

नेवा: अनलाइन न्युज – ललेन्द्र शाक्य | २०७८ आश्विन ११, सोमबार १५:४९:५५

कोलम्बियाया फार्क विद्रोही पुचःया आक्रमणय् लानाः न्याम्ह सर्वसाधारण सीगु सरकारी अधिकारीपिन्सं सोमवाः जानकारी ब्यूगु दु । थ्व घातक घटना नारिनोया दक्षिण भागय् लाःगु टुमाकोया छगू ग्रामीण क्षेत्रया सार्वजनिक प्रतिष्ठानय् जूगु सेनां जानकारी ब्यूगु दु ।

सन् २०१६ स क्रान्तिकारी सशस्त्र बल फार्क (एफएआरसी)लिसे शान्ति सम्झौताय् ल्हाःचिं जुइधुंकाः थुखे थुगु सशस्त्र पुचःपाखें तःक्वःमछि आक्रमण जुयाः वयाच्वंगु खः । छगः गाडीइ प्रतिष्ठान थ्यंकूपिं फार्क विद्रोीपिन्सं लाक्वपाक्व गोली चलेयाःगु सेनां सार्वजनिक याःगु विज्ञप्तिइ न्ह्यथनातःगु दु ।

निम्हेसिगु घटनास्थलय् ज्यान वंगु खःसा गोली कःपिं मेपिं स्वम्ह अस्पतालय् सीगु धाःगु दु । थुगु घटनाय् लानाः मेपिं १२ म्ह घाःपाः जूगु दु ।

Categorized in अन्तर्राष्ट्रिय