nepal life 2076 3 18

कोरोना : ३३२ म्हेसिके संक्रमण, २३२ म्ह संक्रमणमुक्त

नेवा: अनलाइन न्युज – ललेन्द्र शाक्य | २०७८ मङ्सिर ८, बुधबार १६:५९:००

लिपांगु २४ घौ दुने थौं बुधवाः थप ३३२ म्हेसिके कोरोना भाइरस संक्रमण पुष्टि जूगु दु ।

७ हजार ५ सय ९० म्हेसिगु पीसीआर परीक्षण याःबलय् ३०५ म्ह व २ हजार ३३० म्हेसिगु एन्टिजेन परीक्षण याःबलय् २७ म्ह यानाः ३३२ म्हेसिके कोरोना भाइरसया संक्रमण खनेदूगु स्वास्थ्य व जनसंख्या मन्त्रालयं जानकारी ब्यूगु दु ।

अथेहे, लिपांगु २४ घौ दुने कोरोना संक्रमणपाखें प्यम्ह मनूत सीगु दुसा २३२ म्ह संक्रमणमुक्त जूगु दु ।

बुधवाः थप जूपिंलिसें नेपालय् कोरोना संक्रमितया मुक्कं ल्याः ९ लख १५ हजार ४०१ म्ह थ्यंगु दु । थ्वलिसें नेपालय् सीपिनिगु ल्याः ११ हजार ५१३ म्ह थ्यंगु दुसा ८ लख १ हजार १२२ म्ह संक्रमणमुक्त जूगु दु ।

मन्त्रालयया कथं आः देय् न्यंकं सक्रिय संक्रमितया ल्याः ७ हजार ३६९ म्ह दु । गुपिंमध्ये येँय् १४४ म्ह, यलय् २६ म्ह व ख्वपय् ११ म्ह यानाः मुक्कं १८१ म्ह स्वनिगलय् कोरोना संक्रमित खनेदूगु दु ।

Categorized in राष्ट्रिय