zero media family planning adv

कोरोना : संक्रमितसिबें वासः यानाः लंपिं अप्वल आः

नेवा: अनलाइन न्युज – ललेन्द्र शाक्य | २०७७ श्रावण १, बिहिबार ०९:३२:००

लिपांगु २४ घौ दुने देय् न्यंकं ११६ म्ह न्हूपिं कोरोना संक्रमित थप जूगु दुसा लिपांगु २४ घौ दुने कोरोनामुक्त जुयाः ६९७ म्ह डिस्चार्ज जूगु दु । थुकिं न्हिथं संक्रमित जूपिंसिबें वासः यानाः लंपिनिगु ल्याः अप्वःगु क्यंगु दु ।

स्वास्थ्य व जनसंख्या मन्त्रालयया कथं, म्हिगः बुधवाः येँय् ७ म्हसिबें ११६ म्हेसिके कोरोना पुष्टि जूगु खः । थ्वलिसें कोरोना संक्रमितया ल्याः १७,१७७ म्ह थ्यंगु दु ।

मन्त्रालयया प्रवक्ता प्रा.डा. जागेश्वर गौतमया कथं, लिपांगु २४ घौ दुने देय् न्यंकंया २६ गू प्रयोगशालाय् ५,०९० म्हेसिगु पीसीआर परीक्षण जूगु दु ।

प्रा.डा. गौतमं आःतक २,९८,८२९ म्हेसिगु पीसीआर परीक्षण याःगु धाःगु दु । गौतमं आःतक आइसोलेसनय् ६,११३ म्ह दूगु जानकारी ब्यूगु दु । आःतक डिस्चार्ज जूपिनिगु मुक्कं ल्याः ११,०२५ म्ह थ्यंगु दु ।

अथेहे, ६,११४ म्ह सक्रिय कोरोना संक्रमित जूगु प्रवक्ता गौतमं जानकारी ब्यूगु दु । देय् न्यंकंया क्वारेन्टाइनय् २४,५२७ म्ह दूगु गौतमं जानकारी ब्यूगु दु । गौतमं थप छम्ह कोरोना संक्रमित सीगु जानकारी नं ब्यूगु दु ।

(गोरखापत्र न्हिपौ)

Categorized in पत्रपत्रिका