prabhu baink new

कोरोना संक्रमितपिन्त बिइगु खोप कालोबजारी याःगु द्वपनय् स्वास्थ्यकःमि गिरफ्तार

नेवा: अनलाइन न्युज – ललेन्द्र शाक्य | २०७७ भाद्र ८, सोमबार ०९:१२:५०

कोरोना संक्रमितया उपचारय् प्रभावकारी कथं कयातःगु रेम्डेशिभिर नांया इन्जेक्सन (खोप)या कालोबजारी याःगु द्वपनय् प्रहरीं छम्ह स्वास्थ्यकःमि व छम्ह भारतीय नागरिक यानाः निम्हेसित गिरफ्तार याःगु दु ।

वीरगञ्जया थीथी अस्पतालय् ज्या यानाः वयाच्वंम्ह स्वास्थ्यकःमि ताहिर अन्सारी व भारत रक्सौलया छम्ह मिजंयात प्रहरीं गिरफ्तार याःगु खः ।

कोरोना संक्रमितया छेँजःपिन्त रेम्डेशिभिर नांया खोप अप्वः मू कयाः मियाच्वंगु सुचंया आधारय् निम्हेसित नियन्त्रणय् कयाः अनुसन्धान यानाच्वंगु पर्साया प्रहरी प्रवक्ता प्रहरी नायव उपरीक्षक मनोजित कुँवरं जानकारी ब्यूगु दु ।

अन्सारीयात शनिवाः बहनी नियन्त्रणय् कयाः न्यनेकने याःबलय् वं ब्यूगु बयानया आधारय् रक्सौलया छम्ह मिजंयात वीरगञ्जया इनर्वापाखें आइतवाः सनिलय् नियन्त्रणय् काःगु कुवँरं धाःगु दु ।
इमिगुपाखें ९ भाइल रेम्डेशिभिर इन्जेक्सन नं बरामद याःगु दु ।

(थौं सोमवाः पिदंगु अन्नपूर्ण न्हिपौपाखें)

Categorized in पत्रपत्रिका