Mohanai 2078 KTM

कोरोना संक्रमण अप्वल न्युजिल्याण्डय् : भ्रमण नियमय् कडाइ

नेवा: अनलाइन न्युज – ललेन्द्र शाक्य | २०७८ आश्विन १७, आइतबार १२:२६:१८

न्युजिल्याण्डं मुलुकय् कोरोनाया न्हूपिं संक्रमितया ल्याः अप्वयेधुंकाः सीमाय् थप कडाइ याइगु जूगु दु ।

न्युजिल्याण्डया कोभिड १९ मामिलाया मन्त्री क्रिष्ट हिप्किन्सं १७ दँसिबें च्वय् उमेयरया न्युजिल्याण्डसिबें पिनेया मनूत मुलुक लिहाँ वइबलय् अनिवार्य रुपं कोरोना खोप कयातःपिं जुइमाःगु नियम लागु यायेत्यंगु धाःगु दु ।

न्युजिल्याण्डया राष्ट्रिय ध्वजावाहक एयर न्युजिल्याण्डं नं खोप मकाःपिं मनूतय्त थःगु उडानय् सामेल मयाकेगु धाःगु दु । न्युजिल्याण्डं सीमा बन्द यायेगु व अतिकं कडा लकडाउन यायेगुथें जाःगु नियम तयाः मुलुकय् कोरोना संक्रमणयात नियन्त्रणय् कयाः वयाच्वंगु दु । आःतक कारोना संक्रमणया हुनिं न्युजिल्याण्डय् २७ म्ह मनूत सीगु दु ।

न्युजिल्याण्डं हेमिल्टन सिटी व जलाखला रग्लान क्षेत्रय् निम्ह मनूतय्के कोरोना संक्रमण खनेदयेखतं न्यान्हुया लकडाउन घोषणा याःगु दु । थ्वसिबें न्ह्यः अकल्याण्ड सहरय् लकडाउनविरुद्धया प्रदर्शन जूगु खः । तर, प्रधानमन्त्री ज्यासिन्डा अर्डनं धाःसा थुज्वःगु कथंया ज्या गैरकानूनी जूगु लिसें नैीतक रुपं नं पायछि मजूगु धाःगु दु ।

Categorized in अन्तर्राष्ट्रिय