zero media family planning adv

कोरोना संक्रमणपाखें २४ घौ दुने प्यम्ह सित

नेवा: अनलाइन न्युज – ललेन्द्र शाक्य | २०७७ श्रावण १६, शुक्रबार १५:२५:१९

वंगु २४ घौ दुने देय् न्यंंकं कारोना भाइरसया संक्रमणपाखें प्यमह मनूत सीगु दु ।

सीपिं स्वम्ह मिजं व छम्ह मिसा खः । सीपिंमध्ये स्वम्ह मिजंया वीरगञ्जय् वासः यायेगु झ्वलय् म्हिगः बहनी सीगु खःसा छम्ह मिसाया थौं शुक्रवाः यलया पाटन अस्पतालय् सीगु खः ।

पाटन अस्पतालय् थौं शुक्रवाः कोरोना संक्रमित छम्ह सीगु खः । ६५ दँया यलया मिसाया थौं शुक्रवाः सुथय् उगु अस्पतालय् सीगु जानकारी ब्यूगु खः ।

स्टार अस्पतालं कोरोना पोजेटिभ खनेदयेधुंकाः साउन ६ गते पाटन अस्पतालय् भर्ना याकूगु खः । म्हिगः बिहिवाः बहनी वीरगञ्जय् कोरोना संक्रमणपाखें स्वम्ह सीगु खः ।

सीपिं ५६ दँया नुगःचु ल्वगि जगदम्बा इन्टरप्राइजेजया प्रमुख कार्यकारी अधिकृत, नगवालया ३५ दँया मिजं व छपकैयाया ६५ दँया मिजं खः ।

थ्व लिसें कोरोना संक्रमणपाखें सीपिनिगु ल्याः ५६ म्ह थ्यंगु दु ।

Categorized in राष्ट्रिय