नेवा: अनलाइन न्युज – ललेन्द्र शाक्य | २०७७ चैत्र १०, मंगलबार १०:५०:३१

भारतय् कोरोना संक्रमण अप्वयेधुंकाः नेपाल सरकारं नेपाः दुहाँ वयेगुलि कडाइ याःगु दु । आः भारतं नेपाः दुहाँ वइपिनिगु सीमा नाकाय् चेकजाँच जुइगु व कोरोना भाइरसलिसे मिलेजूगु लक्षण खनेदत धाःसा क्वोन्टिनय् तइगु जूगु दु ।

इपिडिमियोलोजी व रोग नियन्त्रण महाशाखा टेकुया निर्देशक डा. कृष्ण पौडेलं भारतं नेपाः वःपिं व कोरोना संक्रमणया शंका जूपिं मनूतय्त क्वारेन्टिनय् तयेगु धाःगु दु ।

सोमवाः जक थीथी नाका जुयाः ३३०० म्ह नेपाः दुहाँ वःगु दु । थथे वःपिन्त हेल्थ डेकसय् ज्वरो जाँच याइगु जूगु दु ।

ज्वरो वःपिं यात्रुपिनिगु मलेरियाया आरडिटी व सम्भव जूतले कोभिड १९ या एन्टिजिन टेष्ट यायेगु व्यवस्था मिलेयायेगु धाःगु दु । सुं संक्रमित लुयावःसा वासः यायेगु नितिं स्वास्थ्य संस्थाय् छ्वइगु जूगु दु ।

महाशाखां पालिकातय्के हट स्पटया पहिचान यायेत व समुदायस्तरय् एन्टिजिन परीक्षणसम्बन्धी मापदण्ड पालना यायेत नं आग्रह याःगु दु ।

Categorized in राष्ट्रिय