Header Nepal rastra bank Adv

कोरोना : भारतय् ६ हजार ९ सय न्हूपिं संक्रमित

नेवा: अनलाइन न्युज – ललेन्द्र शाक्य | २०७८ मङ्सिर १४, मंगलबार १२:५४:०९

भारतय् कोरोना भाइरसं न्हिथं संक्रमितपिनिगु ल्याखय् म्हो जुजुं वःगु दु । लिपांगु दिनय् थप ६ हजार ९९० म्ह जक कोरोना भाइरसपाखें संक्रमित जूगु खः । थ्व ल्याः अतिकं म्हो खः । भारतय् थ्यसिबें न्ह्यः औसतय् न्हिथं १० हजार मनूत कोरोना भाइरसपाखें संक्रमित जुइगु जुयाच्वंगु खः ।

भारतय् आः संक्रमित अवस्थाय् हे दुपिनिगु ल्याः १ लख ५४३ य् क्वाहाँ वःगु अधिकारीपिन्सं जानकारी ब्यूगु दु । केन्द्रीय स्वास्थ्य मन्त्रालयं १० हजार ११६ म्ह लिपांगु छन्हुइ कोरोना भाइरसपाखें संक्रमणमुक्त जूगु जानकारी ब्यूगु दु ।

छगू हे इलय् न्हूपिं संक्रमितपिनिगु ल्याःसिबें संक्रमणमुक्त जूपिनिगु ल्याः अप्वः जूगुलिं संक्रमित अवस्थाय् हे दुपिनिगु ल्याः म्हो जुयावंगु दु ।

भारतय् आःतक ३ करोड ३० लख १८ हजार २९९ म्ह कोरोना भाइरसपाखें संक्रमित जुयाः नं आः संक्रमणमुक्त जूगु दु ।

Categorized in अन्तर्राष्ट्रिय