zero media family planning adv

कोरोना भाइरस हानं छम्ह सित, सिइपिनिगु ल्याः ७ म्ह थ्यंन

नेवा: अनलाइन न्युज | २०७७ जेठ १७, शनिबार १९:५६:५३

कोरोना भाइरस कोभिड–१९ कारणं दैलेखय् छम्ह सिइगु पुष्टि जुगु दु ।

दैलेख दुल्लु विद्युत कार्यालयया क्वारेन्टिनमा शनिबा सुथय् सिइगु व उम्ह मनूया रिपोर्ट पोजेटिभ वःगु खः ।

दुल्लु–११ या ३५ दँया मिजं थौं सुथय् सिइगु खःसा हिनय् कोरोना परीक्षण रिपोर्ट पोजेटिभ वःगु खः ।

कर्णाली स्वास्थ्य विज्ञान प्रतिष्ठान जुम्लाय् पीसीआर विधि पाखें याःगु परीक्षणय् उम्ह मिजंया नतिजा पोजेटिभ वःगु सामाजिक विकास मन्त्रालयया स्वास्थ्य महाशाखां न्ह्यथंगु दु ।

थथे सिइम्ह ७९ म्ह पासापिं लिसें १० न्हू न्ह्यः जक भारत गुजरातं गामय् लिहाँ वःगु खः ।

थ्व नापं नेपालय् कोरोना संक्रमणया कारण सिइपिनिगु ल्याः ७ म्ह थ्यंगु दु ।

Categorized in राष्ट्रिय