kmc bidya

कोरोना भाइरसविरुद्धया १ अर्ब खोप उत्पादन

नेवा: अनलाइन न्युज | २०७७ बैशाख २९, सोमबार ०८:२४:४९

सन् २०२१ या सुरुइ हे कोरोना भाइरसविरुद्धया भ्याक्सिन उत्पादन याये क्वचायेकेगुलि संसारया विकसित देसत सक्रिय जूगु दु । स्वास्थ्य सम्बन्धी संसारया हे दकले तःधंगु कम्पनीमध्येया जोन्सन एण्ड जोन्सनं नं उत्पादनया नितिं परीक्षणया ज्या न्ह्याकाच्वंगु दु ।

जोन्सन एण्ड जोन्सनं मेगु दँ दुने १ अर्ब ल्याखय् कोरोना भाइरसविरुद्धया भ्याक्सिन उत्पादन याये क्वचायेकेगु योजनाय् ज्या यानाच्वंगु दु । सीएनएनया कथं थुगु दँया लिपांगु ई दुने हे उत्पादन न्ह्याकेगु ज्या क्वचायेकेगु योजना तःगु दु ।

कम्पनीया मुख्य वैज्ञानिक डा. पाउल स्टोफेल्सया धापू उदृत यासें सीएनएनं मेगु दँ दुने कोरोना भाइरसविरुद्धया खोप उत्पादन जुइगु न्ह्यथंगु दु । क्लिनिकल परीक्षणय् छुं ई काइगु तकं धाःगु दु ।

संसारन्यंकं अमेरिका, चीन, रुस, भारत, बेलायत, अष्ट्रेलिया, इजरायललिसेंया देसत कोरोना भाइरसविरुद्धया खोप दयेकेगु ज्याय् ब्वां जूगु दु ।

Categorized in अन्तर्राष्ट्रिय