coved ad

कोरोना : थौं निम्ह सित, ३१५ म्ह संक्रमित थप

नेवा: अनलाइन न्युज – ललेन्द्र शाक्य | २०७८ मङ्सिर २१, मंगलबार १६:२४:२२

कोरोना संक्रमणपाखें थौं मंगलवाः निम्ह मनूत सीगु दु । थ्वलिसें कोरोना संक्रमणपाखें नेपालय् सीपिनिगु ल्याः ११ हजार ५ सय ४५ म्ह थ्यंगु स्वास्थ्य मन्त्रालयं जानकारी ब्यूगु दु ।

अथेहे, थौं मंगलवाः नेपालय् कोरोना भाइरसया ३ सय १५ म्ह संक्रमित थप जूगु दु । थ्वलिसें मुक्कं संक्रमितया ल्याः ८ लख २३ हजार १ सय २ म्ह थ्यंगु स्वास्थ्य व जनसंख्या मन्त्रालयं जानकारी ब्यूगु दु ।

अथेहे, थौं मंगलवाः ३ सय ४ म्ह संक्रमणमुक्त जूगु दु । आःतक ८ लख ५ हजार २ सय ५ म्ह संक्रमणमुक्त जुइधुंकूगु दु । मन्त्रालयया कथं लिपांगु २४ घौ दुने ११ हजार ८ सय १० म्हेसिगु परीक्षण याःबलय् उगु संक्रमण पुष्टि जूगु खः ।

Categorized in राष्ट्रिय