coved ad

कोरोना तिव्र गतिं ब्वलन, तःधंगु संकटया संकेत !

नेवा: अनलाइन न्युज – ललेन्द्र शाक्य | २०७८ पौष २८, बुधबार ११:२९:३७

बरिष्ठ चिकित्सक डा. सुन्दरमणि दीक्षितं लिपांगु ई कोरोना संक्रमण ब्वलंगुलि राजनीतिक दलत हे जिम्मेवार जूगु धाःगु दु । वं स्थिति भयावह जुइफूगुलिं सचेत जुइत सकलसित आह्वान याःगु दु ।

देय् न्यंकं झिद्वःसिबें अप्वः सक्रिय संक्रमित दूगुलि बच्छि स्वनिगः दुने दु । स्वनिगः कोरोना भाइरसया हटस्पट जूगु दु ।

कोरोना भाइरस तिव्र गतिं ब्वलनाः वयाच्वंगु दु । मंगलवाः २,४४४ म्ह कोरोना संक्रमित पुष्टि जूगु दु । थ्व सोमवाःया तुलनाय् द्वःछिं अप्वः खः ।

कोरोना संक्रमणमुक्त जुइपिं सिबें संक्रमित जूपिनिगु ल्याः अतिकं थाहाँ वःगु दु । थ्वलिसें सक्रिय संक्रमित नं अप्वयाः वयाच्वंगु दु ।

पुसया न्हापांगु वाः छुं मात्राय् संक्रमण लुइकूगु खः । गुगु अप्वयाः वयाः न्हिथं द्वःछिसिबें च्वय् संक्रमित थप जुजुं वयाच्वंगु दु ।

आकाझाकां संक्रमित ल्याः थाहाँ वःगुलि राजनीतिक दलतय्गु महाधिवेशन नं छगू तःधंगु हुनि जूगु स्वास्थ्यविज्ञपिन्सं धाःगु दु ।

बरिष्ठ चिकित्सक डा. सुन्दरमणि दीक्षितं लिपांगु ई कोरोना संक्रमण ब्वलंगुलि राजनीतिक दलत हे जिम्मेवार जूगु धाःगु दु । वं स्थिति भयावह जुइफूगुलिं सचेत जुइत सकलसित आह्वान याःगु दु ।

देय् न्यंकं झिद्वःसिबें अप्वः सक्रिय संक्रमित दूगुलि बच्छि स्वनिगः दुने दु । स्वनिगः कोरोना भाइरसया हटस्पट जूगु दु ।

कोरोना जोखिमयात दृष्टिगत यानाः सरकारं कडाई याःगु दु । स्कूलत बन्द याकूगु दु । स्व्निगलय् वयेवनेगुलि नं स्वास्थ्य मापदण्ड अनिवार्य याःगु दु । खोप कार्ड विना गुलिखे थासय् प्रवेश निषेध याःगु दु ।

Categorized in राष्ट्रिय