nepal investment baink

कोरोना : कालोबजारीपिन्त मस्ती, सर्वसाधारणपिन्त सास्ती

नेवा: अनलाइन न्युज – ललेन्द्र शाक्य | २०७७ आश्विन २२, बिहिबार १५:५९:०९

सर्वसाधारण थिकेजूगु बजाःभाःया मारय् लानाः कोरोना कहरं कालोबजारीयात जक मोहनी वइगु खनेदयाच्वंगु दु । इपिं सरकारय् दुपिन्त मिखा बन्द याकेबियाः थिकेगु मूल्यस सामान मिइगु व उपभोक्तायात न्याकेबिइत वाध्य यानाच्वंगु दु ।

कोरोना कहरं आर्थिक रुपं कमजोर जूपिं सर्वसाधारणपिन्सं हाकनं मेगु मार सहयायेमालीगु जूगु दु । मोहनी नखःया लिक्क आपालं मूल्य बृद्धिं सर्वसाधारणया खर्च थाहाँ वनीगु जुइधुंकाः मारय् लाइगु जूगु दु ।

ब्यापारीं असोज महिनाज्वःछि थीथी हलंज्वलंया छुं नं छुं जुक्ति पिकयाः मूल्यबृद्धि याःगु दु । न्हिथं माःगु हलंज्वलं फुक्कया मू थकाःगु दु ।

आः बजारय् च्यापत्तिया मूल्यस आपालं बृद्धि जूगु दु । प्रतिकेजी ३०० निसें ४०० या जःखःया मूल्यस न्यायेदूगु च्यापत्ति आः ५०० तका पुलेधुंकूगु दु । फुक्क च्यापत्ति उत्पादकपिन्सं मिलेमतो यानाः मूल्यबृद्धि याःगु खः ।

केँ (दाल)लिसें गेडागुडीया मूल्यस आपालं बृद्धि जूगु दु । प्रतिकेजी २० निसें ३० तकातक गेडागुडीया मू थकाःगु दु ।

कालोबजारी यानाः प्याजया मूल्यबृद्धि जुइधुंकूगु दु । भारतं प्याज निर्यात रोक्का याःगु बहानाय् स्वलाया नितिं मुंकातःगु प्याज रोक्का यानाः प्रतिकेजी ६० तकातक मूल्यबृद्धि याःगु दु । प्याजया मू प्रतिकेजी १२० तका थ्यंगु दु ।

न्हिथं छ्यलाबुला जुइगु आलु धार्नीया हे निसः तका च्वय् थ्यंकूगु दु । फुक्क तरकारी थिके याःगु दु । गोलभेडा सच्छि तकां च्वय् थ्यंगु दु ।

सिसाबुसा (फलफुल)या मू सर्गतय् थ्यंगु दु । कोरोना भाइरसया नामय् कालोबजारी याइपिन्सं किसानयात धाःसा कौडीया भावं सामान न्यानाः कायेत बाध्य याःगु दु । थःपिन्सं मिइबलय् धाःसा उपभोक्ताया जँ हे सेकेयाःगु दु ।

कोरोना कहरय् चिकंया भाः नं आपालं थाहाँ वंगु दु । प्रतिलिटर ३० तका तक मूल्यबृद्धि जूगु दु । फुक्क सामानया मूल्यबृद्धि यानाः यक्व लबm काइपिं ब्यापारीत खनेदूगु दु । इपिं सरकारी निकाययात मिखा बन्द याकेबियाः सक्रिय जूगु दु ।

सर्वसाधारण थिकेजूगु बजाःभाःया मारय् लानाः कोरोना कहरं कालोबजारीयात जक मोहनी वइगु खनेदयाच्वंगु दु । इपिं सरकारय् दुपिन्त मिखा बन्द याकेबियाः थिकेगु मूल्यस सामान मिइगु व उपभोक्तायात न्याकेबिइत वाध्य यानाच्वंगु दु ।

Categorized in बजाः