kmc bidya

कोरोनां २१ दँया स्पेनिस फुटबल प्रशिक्षक सित

नेवा: अनलाइन न्युज | २०७६ चैत्र ४, मंगलबार १४:४५:०६

स्पेनिस फुटबलया कोच फ्रान्सिस्को गार्सियोया कोरोना भाइरस संक्रमणया हुनिं सीगु दु ।

म्लागाय् च्वंगु एट्लेटिको पार्ताडा अल्ता युवा टिमया म्यानेजरया भूमिका म्हितेधुंकूम्ह गार्सियो कोरोना भाइरस संक्रमित जुयाः शनिवाः २१ दँया उमेरय् ज्यान गुमेजूगु खः ।

गोल डटकमया कथं लिपांगु वाः स्वास्थ्यय् समस्या वयेधुंकाः गार्सियायाके ल्युकोमियालिसें कोरोना संक्रमण खनेदूगु खः । वधुंकाः गार्सियायात मलागाया क्षेत्रीय अस्पतालय् भर्ना याःगु खः ।

तर, चिकित्सकपिन्सं वयात बचेयाये मफुत । कोरोना संक्रमणं मलागा क्षेत्रय् शिकार जूम्ह गार्सिया न्हापांम्ह युवा व न्याम्हम्ह व्यक्ति खः ।

गार्सियां सन् २०१६ निसें एट्लेटिको पोर्टाडा एल्टाज युवा टिमया म्यानेजरया भूमिका निर्वाह याःगु खः ।

Categorized in कासा