prabhu baink new

कोरोनां सीपिनिगु अंग लिकाइ धकाः अभिव्यक्ति ब्यूम्ह मनू प्रहरीया फन्दाय्

नेवा: अनलाइन न्युज – ललेन्द्र शाक्य | २०७७ भाद्र २२, सोमबार १३:३५:३६

थीथी यूट्यूब च्यानलया अन्तरवार्ताय् कोरोना संक्रमणपाखें सीपिं मनूतय्गु अंग लिकाइगु अभिव्यक्ति ब्यूम्ह छम्ह मनू प्रहरीया फन्दाय् लाःगु दु ।

थःत प्राकृतिक चिकित्सक धाइम्ह सुवास सुब्बा लिम्बु गिरफ्तारीइ लाःगु खः ।

महानगरीय अपराध महाशाखाया पुचलं अफवाह ब्वलंकूगु अभियोगय् सुवास सुब्बा लिम्बूयात थौं सोमवाः गिरफ्तार याःगु खः ।

यलया ढोलाहितिइ च्वंगु आयुर्वेद क्लिनिकं लिम्बूयात गिरफ्तार याःगु महाशाखाया एसएसपी दीपककुमार थापां जानकारी ब्यूगु दु ।

गिरफ्तारीइ लाःम्ह लिम्बूविरुद्ध अफवाह ब्वलंकूगु कसूरय् म्याद थप यानाः अनुसन्धान न्ह्यःने यंकेगु प्रहरीया तयारी दु । लिम्बूयात थ्वसिबें न्ह्यः नं महानगरीय प्रहरी वृत्त सातदोबाटों गिरफ्तार याःगु खः ।

लिपांगु इलय् थीथी माध्यमय् अन्तरवार्ता बिसें लिम्बुं कोरोनापाखें सीपिनिगु सीम्ह छेँजःपिन्त मक्यंसे व पोष्टमार्टम मजूगु ल्यूनेया हुनिं गोप्य रुपं थीथी अंग लिकायेत खः धकाः दाबी यानाः वयाच्वंगु खः ।

तर, दाबीयात पुष्टि जुइगु छुं प्रमाण मदूगु जुइधुंकाः लिम्बूयात कानूनी दायराय् हःगु प्रहरीं जानकारी ब्यूगु दु ।

Categorized in दुर्घटना-अपराध