zero media family planning adv

कैलाश विकास बैंक प्राइम कमर्सियल बैंकलिसे मर्ज

नेवा: अनलाइन न्युज | २०७६ फाल्गुण २९, बिहिबार १४:१६:०२

प्राइम कमर्सियल बैंकं कैलाश विकास बैंकयात दुकयाः एकीकृत कारोवार न्ह्याकूगु दु ।

थौं बिहिवाः येँय् छगू ज्याझ्वः यानाः बैंकं एकीकृत कारोवारया औपचारिक घोषणा याःगु खः ।

वंगु असार २० गते जूगु सम्झौता कथं कैलाश विकास बैंकयात प्राइम कमर्सियल बैंकं १०० बराबर ९४ दरया स्वाप रेसियोय् प्राप्ति याःगु खः । प्राइम व कैलाश ल्वाकज्याये धुंका: दयेकुगु प्राइम कमर्सियल बैंकया चुक्ता पूँजी थ्यंमथ्यं १४ अर्ब तका दां थ्यंगु दुसा पूँजीकोष थ्यंमथ्यं १९ अर्ब थ्यंगु दु ।

एकीकृत कारोवारया औपचारिक सुरुवात यासें बैंकया नायः राजेन्द्रदास श्रेष्ठं बैंकं थःगु पूँजी अप्वयेका: अझ विश्वासिलो व भरपर्दो सेवा प्रदान यायेगु नितिं मर्जरयात विशेष प्राथमिकताय् तयागु धाःगु दु । श्रेष्ठं कैलाश विकास बैंकयात प्राप्ति यायेधुंकाः बैंकया पोर्टफोलिया १ खर्ब ३० अर्बसिबें अप्वः थ्यंगु जानकारी ब्यूगु दु ।

मर्जलिपा बैंकया शाखा १९९ थ्यंगु दु । अथेहे, बैंकया निक्षेष १ खर्ब २८ अर्ब व कर्जा लगानी १ खर्ब १५ अर्ब थ्यंगु दु ।

Categorized in बजाः