coved ad

कैलालीइ चक्कु प्रहारपाखें मिजं सित, प्यम्ह ज्वन

नेवा: अनलाइन न्युज – ललेन्द्र शाक्य | २०७८ कार्तिक २४, बुधबार ०८:५२:३३

कैलालीइ चक्कु प्रहार यानाः छम्ह मिजंया हत्या याःगु दु ।

मंगलवाः बहनी टीकापुर नगरपालिका १ य् च्वंगु सिद्धार्थ होटल लिक्क निगू समूहदथुइ जूगु ल्वापुइ चक्कु प्रहार यानाः लम्कीचुहा नगरपालिका १ या भुपेन्द्र बडुवालया हत्या जूगु प्रहरीं जानकारी ब्यूगु दु ।

इलाका प्रहरी ज्याकुथि टीकापुरया प्रमुख प्रहरी नायव उपरीक्षक प्रकाश सापकोटां पुलांगु रिसिबीयात कयाः निगू समूहदथुइ जूगु ल्वापुया झ्वलय् बडुवालया चक्कु प्रहार यानाः हत्या याःगु धाःगु दु ।

जिल्ला प्रहरी ज्याकुथि कैलालीया प्रवक्ता प्रहरी नायव उपरीक्षक प्रतीक विष्टं बडुवालया हत्याय् दुथ्याःगु आशंकाय् अनुसन्धानया नितिं प्यम्हेसित नियन्त्रणय् काःगु जानकारी ब्यूगु दु ।

प्रहरीं इपिं प्यम्हेसिगु संलग्नताबारे अनुसन्धान जुयाच्वंगु धासें तत्काल नां सार्वजनिक मयायेगु जानकारी ब्यूगु दु ।

Categorized in दुर्घटना-अपराध