nepal investment baink

केपी शर्मा ओली प्रधानमन्त्री जुइगु

नेवा: अनलाइन न्युज – ललेन्द्र शाक्य | २०८० माघ १५, सोमबार ११:४७:४६

नेकपा एमालेया नायः लिसें पूर्व प्रधानमन्त्री केपी शर्मा ओलीं संकिपा म्हितीगु जूगु दु ।

केपी शर्मा ओलीं संकिपा “नमेटिने घाऊ”पाखें अभिनयस डेब्यु यायेत्यंगु खः ।

आइतवाः येँय् ग्वसाः ग्वःगु छगू ज्याझ्वःया दथुइ संकिपाया घोषणालिसें शुभमुहूर्त ज्याझ्वः जुइगुजानकारी ब्यूगु खः । उगु संकिपाय् केपी शर्मा ओली प्रधानमन्त्रीया भूमिकाय् खनेदइगु जूगु दु ।

रमित ढुंगानाया लगानी व निर्देशनय् निर्माण जुइगु संकिपाय् एसिडपीडित मुस्कान खातुनया जीवनीइ आधारित जुइ । उगु संकिपाय् मुस्कानलिसें सुरवीर पण्डित, सिम्रन खड्का लिसेंया कलाकारपिन्सं अभिनय याइगु जूगु दु ।

केपी शर्मा ओली प्रधानमन्त्री जूगु इलय् एसिड आक्रमणकारीपिन्त कडा सजाय यायेगु कानून हःगु व पीडितपिन्त राहत व क्षतिपूर्तिया व्यवस्था याःगुलिं ओलीया ल्हाःतं संकिपाया शुभमुहूर्त यायेत्यंगु निर्माण पुचलं जानकारी ब्यूगु दु ।

मुस्कान खातुनयात २०७६ भाद्र २० गते वीरगञ्जया रेशम कोठीइ च्वंगु त्रिभुवन हनुमान उच्च माविइ ब्वनेत वनाच्वंगु इलय् एसिड प्रहार जूगु खः ।

एसिड आक्रमणपाखें मुस्कानया ख्वाःया छगू ब्व एसिडं च्याःगु खः ।

संकिपा निर्माणया नितिं वीरगञ्ज महानगरपालिकां न्यागू लख तका दां ग्वाहालि याःगु धाःगु दु ।

Categorized in कला