prabhu baink new

कुलमान घिसिंग विद्युत प्राधिकरणया कार्यकारी निर्देशक मजुइगु जुल

नेवा: अनलाइन न्युज – ललेन्द्र शाक्य | २०७७ भाद्र १०, बुधबार १४:३५:२६

नेपाल विद्युत प्राधिकरणया कार्यकारी निर्देशक कुलमान घिसिंगं उगु पदय् निरन्तरता कायेमखनीगु जूगु दु ।

कुलमान घिसिंगया लिपांगु कार्यशैलीप्रति प्रधानमन्त्री केपी शर्मा ओली व ऊर्जामन्त्री बर्षमान पुन निम्हं असन्तुष्ट जूगुलिं हाकनं कार्यकारी निर्देशकय् नियुक्ति कायेमखनीगु जूगु खः ।

विश्वस्त स्रोतया कथं घिसिंग ज्यासिबें अप्वः हल्लाय् न्ह्याइपुकाः च्वंम्ह मनू धासें प्रधानमन्त्री ओली व ऊर्जामन्त्री पुन निम्हं असन्तुष्ट जूगु खः । कुलमान घिसिंग लोकप्रियताय् न्ह्याइपुकेगु झ्वलय् ज्यात बांलाक्क न्ह्यःने यंकेमफूगु विषय बालुवाटारय् तकं ब्वलंगु खः धकाः स्रोतं धाःगु दु ।

लिपांगुखुसि घिसिंगं सामाजिक संजालपाखें थःगु हाकनं नियुक्तिया नितिं दबाब अप्वयेकेगु कथं रणनीतिया लिसें अभियान न्ह्याकूगु रिपोर्ट तकं बालुवाटारय् थ्यंगु स्रोतं धाःगु दु ।

सामाजिक संजालय् लोकप्रियता क्यंम्ह व सरकारयात नियुक्तिया नितिं वाध्य याःम्ह घिसिंगया रणनीतिपाखे तकं ध्यान बियाः असन्तुष्टित अप्वःगु विश्वस्त स्रोतं धाःगु दु ।

तर, न्ह्याग्गु न्ह्यात्थे जूसां नं कुलमान घिसिंग जनसमुदायया नुगः त्याकाः आपालं दँ न्ह्यःनिसें जुयाच्वंगु लोडसेडिंग अन्त यानाः छगू पुरुषार्थ ज्या क्यनेगु ज्याय् ताःलाःगु दु ।

आः जनसमुदायया माग व चाहना अःखः सरकारं कुलमान घिसिंगयात लिकाल धाःसा जनमानस दथुइ आक्रोश ब्वलनाः तच्वःगु आन्दोलन ब्वलनीगु सम्भावना खनेदूगु दु ।

Categorized in राजनीति