prabhu baink new

कुलमानया पक्षय् प्रदर्शन याःपिं गिरफ्तार, लःया फोहोरा प्रहार

नेवा: अनलाइन न्युज – ललेन्द्र शाक्य | २०७७ भाद्र ३१, बुधबार १६:४१:५०

नेपाल विद्युत प्राधिकरणया निवर्तमान कार्यकारी प्रमुख कुलमान घिसिङया पक्षय् प्रदर्शन याःपिन्त प्रहरीं माइतीघरं गिरफ्तार याःगु दु ।

कुलमानयात हे प्राधिकरणया कार्यकारी प्रमुख यायेमाः धासें वया समर्थकपिं प्रदर्र्शनय् क्वाहाँ वःगु खःसा प्रहरीं नियन्त्रणय् काःगु खः ।

येँया सिडिओया आदेश कथं हे प्रहरीं माईतीघरय् छुं नं कथंया भेला, सभा, सम्मेलन वा प्रदर्शन याकेमबिइगु नितिं थुज्वःगु पलाः ल्ह्वंगु खः ।

प्रहरीं माइकिङ यासें भेला मयायेत आग्रह याःगु खः । घिसिङयात प्राधिकरणया कार्यकारी निर्देशकय् हाकनं नियुक्त यायेत माग यासें थौं बुधवाः सुथय् जक येँया जोरपाटी व बालाजुइ नं प्रदर्शन जूगु खः ।

माइतीघरया प्रदर्शनय् पूर्व प्रधानसेनापति रुकमांगतत कटुवाल लिसेंया व्यक्तिपिं सहभागी जूगु खः ।

Categorized in राजनीति