zero media family planning adv

कुमारी माजुया ल्हाःतं वहःया पाय् म्वः पितब्वज्या

नेवा: अनलाइन न्युज – विजयरत्न | २०७६ कार्तिक ६, बुधबार १५:५५:५६

नेपाल संवत् ११४० न्हूदँया लसताय् दँय् दसं वहःया पाय्ँम्वः पिथना वयाच्वंगु भितुना गुथिं थुगु नेपाल सम्वत ११४० दँय् नं वहःया पायम्वः श्री कुमारीया ल्हाःतं पितब्वज्या याना: पिथनेत्यंगु दु । 

नेपालभाषाया न्हापांम्ह साहित्यकार मोतिलक्ष्मी उपासिकाया किपाः अंकित यानाः थुगु पाय् म्वः कछलागा दसमि कार्तिक ६ गते बुधवाःया न्हिनिसें पिथंगु खः ।

श्री कुमारीया छेँय् भिंतुना गुथिया जःपिं वना वसपोलया दर्शन यासें दक्षिणा छायेगु ज्या नं जूगु खः ।

श्री कुमारी माजुया ल्हाःतं थ्वसिबें न्ह्यो नं तःक्वःमछि हे थुकथं थुगु संस्थापाखें पिथंगु वहःया पाय् म्वःया पितब्वया यानाः बिज्याःगु दु ।

गुथिपाखें थ्वसिबें न्ह्यः नेपालभाषा ख्यःया हनेबहःपिं व्यत्तिmत्वया लिसें हनावना यायेमाःपिं याना १४ म्ह व्यत्तित्वपिनिगु  पाय् म्वः पिथने धुंकूगु दु ।  

नेपालभाषा ख्यलय् योगदान यानावंपिं स्रस्तापिन्त कदर याना च्वनेमाः व लिपालिपा थ्यंक नं वय्कःपिनिगु लुमन्ति दयाच्वनेमाः धैगु कामना याना थुकथं पाय् म्वः पिथनेगु यानाः वयाच्वंगु दु ।

थुगु पिथंगु न्हूगु पाय् म्वःयात कयाः भिंतुना गुथिया रविन्द्ररत्न तुलाधरं जानकारी बियादीगु खः । 

थुगु पाय् म्वः मुक्कं १५ ग्राम दुसाः थुकिया मू १४५०।– तका तयातःगु दु ।

Categorized in बजाः