kmc bidya

कुमारीमाजुया दर्शन सुयात मयाकाः गौतम शाक्य

नेवा: अनलाइन न्युज – निश्चल | २०७६ चैत्र २६, बुधबार ०८:५९:३१

लकडाउनया कारणं कुमारी छेँ नं सुनसान । थ्व इलय् सु नं वसां कुमारीमाजुयात दर्शन मयाका । मू लुखा तिनातयाः । कोरना भाइरसया सक्रमणया ग्याचिकु जिपिं कुमारी छेँ च्वनाः कुमारी माजुया बिचाः यायेमाःपिं जुगुलिं तच्वंक होस यानाः सरसफाइ यानाच्वनाःगु दु । 

कुमारीमाजुयात यायेमाःगु नित्य पूजाआजा न्हिया न्हिथं जुयाच्वंगु दु । तलेजु द्यः थासं पुजारी वयाः यानाच्वंगु दु । कुमारीमाजु शुरक्षित दु । 

थ्व दँय् का्नाया कारणं यानाः तिंख्यलय् जुगु धोडाजात्राय् कुमारीमाजुयात पित बिमज्याका । जनवाः द्यः जात्रा मजुगुलिं जात्राया न्हपांगु न्हि जनबहालय् व लगं याः जुइबलय् लगमय् कुमारी माजु पि बिज्याके म्वाल । तर उखुन्हु चैत्र दशैं खुन्हू धाःसा पुजारीन्सं तच्वकं कर हे याःगुलिं तलेजुइ बिज्याका । थथे पिने बिज्याकेत शुरक्षा निकाय नाप सहलह ब्याका शुरक्षाया सकतां ब्यबस्था यानाःगु खः ।

लकडाउन जुयाच्वंगु थ्व इलय् कुमारी माजुयात अप्वः ई बियाच्वनाःगु दु व इन्द्रजात्रा ब्यबस्थापन समितिया पासापिं नापं नं फोनय् खँल्हाना ई फुकाच्वनाःगु दु । न्ह्याइपु म्ह्याइपु अथे हे खः ई वनाच्वगु दु ।

( भाजु गौतम शाक्य कुमारी छेँय्या चित्ताइदार खःसा इन्द्रजात्रा ब्यबस्थापनया नायः नं खः । वयकः लिसें फोनय् जुगु खँल्हाबल्हाया लिधसाय् –स. )

Categorized in बिचा: