zero media family planning adv

कीर्तिपुर स्वीमिंग पुल चाल

नेवा: अनलाइन न्युज – ललेन्द्र शाक्य | २०७७ फाल्गुण ७, शुक्रबार १३:२८:४०

वंगु दँ २०७६ चैत्र ११ गतेनिसें जूगु लकडाउनया हुनिं दिनाच्वंगु आई.एम.आई. कम्पनीपाखें संचालित कीर्तिपुर स्वीमिंग पुल थ्वहे फागुन ५ गते बुधवाःनिसें चाःगु दु ।

किपू नगरपालिका १० वडाया ट्यांग्लाफाँट परिसरया पलपुखू मंगल माध्यमिक विद्यालय क्वसं च्वंगु कीर्तिपुर स्वीमिंग पुल फागुन ५ गते बुधवाःनिसें चाःगु स्वीमिंग पुल व्यवस्थापन पुचलं जानकारी ब्यूगु खः ।

विशेष रुपं चिचाधिकःपिं मचातलिसें स्कूलया विद्यार्थीपिनिगु नितिं विशेष रुपं छ्यापं (छूट) बियाः वयाच्वंगु कीर्तिपुर स्वीमिंग क्लबं स्वीमिंग यायेगु नितिं माःगु सकतां हलंज्वलं व्यवस्था यायेगु यानाः वयाच्वंगु दु ।

कीर्तिपुर स्वीमिंग पुलय् स्वीमिंगया लिसेलिसें रेष्टुरेन्ट, स्नूकर, जीम इत्यादी नं संचालनय् वयाच्वंगु दु ।

कीर्तिपुर स्वीमिंग पुल व्यवस्थापन पुचलं आः तापलाया ई वःगुलिं सकल स्वीमिंगह्यःमिपिन्त स्वीमिंग यायेत झायेगु नितिं इनाप याःगु दु ।

Categorized in कासा