2565 buddha Jayanti ADV

किराना पसः बन्द जुइबलय् खाद्य व साल्ट ट्रेडिङं होम डेलिभरी याइगु

नेवा: अनलाइन न्युज – ललेन्द्र शाक्य | २०७८ जेठ १३, बिहिबार १३:५७:३६

किराना पसः व डिपार्टमेन्टल स्टोर बन्द यायेगु निर्णयपाखें आलोचित प्रशासनं सुंयात नं खाद्य हलंज्वलं अभाव जूसा न्यायेगु नितिं वैकल्पिक व्यवस्था याःगु दु ।

नागरिकपिंके खाद्य हलंज्वलं हे दइमखु धैगु भ्रम जुयाच्वंगु धासें स्वनिगःया प्रशासनं नेपाल खाद्य व्यवस्था व व्यापार कम्पनी लिमिटेड व साल्ट ट्रेडिङ कर्पोरेशन लिमिटेडपाखें अत्यावश्यक हलंज्वलं कायेफइगु कथं व्यवस्था याःगु खः ।

प्रशासनं उकिया नितिं कम्पनीया फोन ल्याः नं सावर्जनिक याःगु दु । नागरिकपिन्सं खाद्य हलंज्वलं अर्डर ब्यूसा मोबाइल् गाडीपाखें छेँय् थ्यंक हे तयेहइगु व्यवस्थ मिलेयानागु धाःगु दु ।

येँया सहायक प्रमुख जिल्ला अधिकारी उमाकानत अधिकारीं धाःगु दु, ‘खाद्य संस्थान, साल्ट टे«डिङ, उपभोक्ता हित संरक्षण मंच व व्यवसायी तकंया बैठकं थ्व निर्णय याःगु खः ।’

अधिकारीया कथं निगू कम्पनीयाके जाकि, दाल, चिकं व चि लिसेंया हलंज्वलं आपालं मौज्दात दु । सुं नागरिक आपतय् लाःसा स्थानीय तहपाखें वितरणया नितिं इनाप यायेगु नं निर्णय जूगु दु ।

Categorized in बजाः