Mohanai 2078 KTM

किपू नगर कांग्रेस सभापतिइ कृष्णमान डंगोल

नेवा: अनलाइन न्युज – ललेन्द्र शाक्य | २०७८ आश्विन २१, बिहिबार १३:२७:५७

नेपाली कांग्रेसया कीर्तिपुर नगर सभापतिइ कृष्णमान डंगोलयात ल्यःगु दु । डंगोल नेतृत्वया ज्यासना पुचः सर्वसम्मतं ल्यःगु खः ।

किपू नगर कांग्रेस सभापति कृष्णमान डंगोल नेपाली कांग्रेसया नेता प्रकाशमान सिंह पक्षया राजनीतिकःमि खः ।

अथेहे, किपू नगर कांग्रेस उपसभापतिइ सुदन बस्नेत व रंजिता महर्जन गौतम, छ्याञ्जेय् इच्छा महर्जन व किरण केसी, ल्यूछ्याञ्जेय् सूर्यकान्त कोइराला व सानुमैंया महर्जन लिसें दाँभरीइ पार्वती विष्टयात ल्यःगु दु ।

न्हूम्ह किपू नगर कांग्रेस सभापति कृष्णमान डंगोल थ्वयान्ह्यः नं उगु हे पदय् च्वनाच्वनादीम्ह खः । डंगोल छम्ह संगीतकःमि व शिक्षासेवी नं खः ।

अथेहे, उपसभापति रंजिता महर्जन गौतम किपूया समाजसेवी क्लबल इनरह्विल क्लबया पुलांम्ह नायः खःसा उगु हे क्लबय् आबद्ध जुयाः समाजसेवाया ज्या यानावयाच्वनादीम्ह व्यक्तित्व खः ।

Categorized in राजनीति