zero media family planning adv

किपू नगरपालिकां राष्ट्रपति रनिंग सिल्ड व मेयर कप खेलकुद ग्वसाः ग्वइगु

नेवा: अनलाइन न्युज – ललेन्द्र शाक्य | २०७७ चैत्र २५, बुधबार १६:५५:०४

कासा २०७८ बैशाखया न्हापांगु वाःनिसें न्ह्याइगु, २०७७ चैत्र मसान्ततक दर्ता यायेत इनाप

किपू नगरपालिकाया ग्वसालय् थ्वहे वइगु २०७८ बैशाखया न्हापांगु वाःनिसें अन्तर विद्यालयस्तरीय राष्ट्रपति रनिंग  सिल्ड व मेयर कप खेलकुद प्रतियोगिता अन्तर्गत थीथी कासाया धेंधेंबल्ला याइगु जूगु दु ।

थुगु कासा जुइगु जानकारी किपू नगरपालिकाया प्रमुख प्रशासकीय अधिकृत सीता परियारं बियादीगु खः ।

प्रमुख प्रशासकीय प्रमुख सीता परियारया ल्हाःचिं तयाः छगू पौ सार्वजनिक याःगु खःसा उगु पतिइ थुगु कासा जुइगु जानकारी बियातःगु खः ।

सार्वजनिक जूगु पतिइ उगु कासाया नितिं थीथी विद्यालययात २०७७ चैत्र मसान्त दुने सहभागी जुइगु नितिं मिसा मिजं कासामि विद्यार्थी पिनिगु नां दर्ता यायेत नं विद्यालययात इनाप यानातःगु दु ।

सार्वजनिक जूगु पतिइ भलिबल, फुटबल, बास्केट बल, टेबलटेनिस, ब्याडमिन्टन, चेस, सटपुट, ट्रायक इभेन्टस दुने १०० मिटर, २०० मिटर स्प्रीन्ट, ४०० मिटर रिले व ३००० मिटर क्रस कन्ट्री कासा जुइगु जानकारी बियातःगु दु ।

अथेहे किपू नगरपालिकां सार्वजनिक याःगु पतिइ थीथी कासाया नितिं स्वापू तयेत नं इनाप यानातःगु दुसा स्वापूया नितिं चेस कासाया नितिं ज्ञानेन्द्र महर्जन, टेबलटेनिसया नितिं प्रशान्त महर्जन, ब्याडमिन्टनया नितिं ओममुनि बज्राचार्य, भलिबलया नितिं राजकुमार महर्जन, फुटबलया नितिं इच्छि महर्जन, बास्केटबलया नितिं बिकु महर्जन व एथलेटिक्सया नितिं धर्म महर्जनया नां सार्वजनिक याःगु दु ।

Categorized in कासा