Header Nepal rastra bank Adv

किपूया १० वडा भवन उलेज्या बुधवाः सुथय्

नेवा: अनलाइन न्युज – ललेन्द्र शाक्य | २०७८ माघ ४, मंगलबार १५:५४:०१

किपू नगरपालिकां किपू नगर दुनेया थीथी थासय् च्वंगु कलात्मक फल्चा, सतःलिसें आःखाः छेँ, वडा भवन इत्यादी न्हूढंगं कलात्मक शैलीं निर्माण यायेगु पलाः न्ह्याकाः वयाच्वंगु दु ।

थ्वहे झ्वलय् किपू नगरपालिका १० वडा भवन नं छगू कलात्मक शैलीं निर्माण जूगु दु । थुगु किपू नगरपालिका १० वडाया भवन चिथु विहार लागाय् लाः ।

किपू नगरपालिका १० वडाया न्हूगु कलात्मक भवनया उलेज्या ने.सं. ११४२ पोहेलागा दुतिया (२०७८ माघ ५ गते) बुधवाः सुथसिया ८ ता इलय् जुइगु जानकारी १० वडाया वडाध्यक्ष अमन महर्जनं जानकारी बियादीगु दु ।

वडाध्यक्ष महर्जनं उगु १० वडा भवन उलेज्या येँ जिल्ला समवन्वय समितिया प्रमुख शिवसुन्दर राजवैद्य व किपू नगरपालिकाया प्रमुख रमेश महर्जनया मंकाः ल्हाःतं उलेज्या जुइगु जानकारी बियादीगु दु ।

कन्हय् बुधवाः सुथसिया ८ ता इलय् चिथु विहारय् च्वंगु १० वडा भवन उलेज्या ज्याझ्वलय् सकलसित सहभागिताया नितिं वडाध्यक्ष अमन महर्जनलिसें किपू नगरपालिका १० वडा सकल जः दुजःपिन्सं इनाप यानादीगु दु ।

Categorized in स्थानिय-समाज