nepal investment baink

किपूया १० वडाय् ‘न्हापांगु किपू वडा ल्याः १० कप’ ब्याडमिन्ट कासा २०८१ जुइगु

नेवा: अनलाइन न्युज – ललेन्द्र शाक्य | नेपाल संवत ११४४ तछलाथ्व सप्तमि (२०८१ जेष्ठ ३१ गते) बिहिवाः

“स्वास्थ्य व मित्रताया नितिं खेलकुद” श्लोगान थ्वयेकाः ‘न्हापांगु किपू वडा ल्याः १० कप’ ब्याडमिन्ट कासा २०८१ जुइगु जूगु दु ।

किपू नगरपालिका वडा १० या ग्वसालय् व किपू १० वडा खेलकुद उपसमितिया प्रायोजनय् जुइगु उगु ब्याडमिन्टन कासा थ्वहे वइगु असार २ गतेनिसें ८ गतेतक न्ह्याइगु जानकारी ग्वसाः खलः किपू वडा ल्याः १० पाखें ब्यूगु दु ।

किपूया १० वडा जिफागः ब्याडमिन्टन कोर्टय् जुइगु उगु कासाया नितिं ब्वति कायेत दर्ता यायेगु लिपांगु तिथि जेठ ३२ गते शुक्रवाःतकया ई बियातःगु दुसा कासाय् विजयी जूपिन्त शिल्ड, मेडल व दसिपौ लःल्हायेगु जानकारी नं ग्वसाः खलकं ब्यूगु दु ।

कासाय् किपू वडा ल्याः १० दुनेया खुल्ला डबलय् ब्वति कायेगु नितिं दर्ता शुल्क द्वःछि तका तयातःगु दुसा किपू नगरव्यापी झिंन्यादँ क्वय् च्वंपिं कासामिपिनिगु नितिं दर्ता शुल्क स्वसः तका तयातःगु दु ।

ग्वसाः खलकं कासाया नितिं जानकारी कायेत व दर्ता सम्बन्धी खँ थुइकेगु नितिं नरेश महर्जन (९८५१००३७४१), ओमनुनि बज्रचार्य(९८६२४४१६३५), कविन महर्जन (९८०३५३०७२७) व दिप्रिस मुनि बज्राचार्य (९८६२७९६७१५) पिनिगु नां व मोबाइल ल्याः सार्वजनिक याःगु दु ।

Categorized in कासा