nepal investment baink

किपूया मेयर नकःमियात कीर्तिपुर ब्याडमिन्टन क्लबपाखें ध्यानाकर्षण

नेवा: अनलाइन न्युज – ललेन्द्र शाक्य | २०८० मङ्सिर २९, शुक्रबार १२:४९:०७

वंगु कार्तिक २७ गते नगाउँ स्पोर्ट्स क्लबं ग्वसाः ग्वःगु टेबुल टेनिस कासाया समापन ज्याझ्वलय् मूपाहाँ कथं उपस्थित जुयादीम्ह किपू नगरपालिकाया मेयर राजकुमार नकःमिं थःगु न्वचू बिइगु झ्वलय् धाःगु खः, ‘आर्थिक व्यवस्था यायेफइगु अवस्था दु तर छु जुयाबिल धाःसा खेलाडी उत्पादन यायेगु सिबें भुँडी घटेयायेगु कासा अप्वः जुयाबिल । ब्याडमिन्टन कासा जुल, बहनी चच्छि टन्न वियर त्वन, सुथय् चःति हायेकाः भुँडी घटेयात । मब्यूसां मज्यू, ब्यू उलि प्रोडक्टिभ मजुल, उकिं नगरपालिकां प्रायोटाईज याःगु दु ।’

निक्वःगु स्थानीय तर निर्वाचनय् निर्वाचित किपू नगरपालिकाया मेयर राजकुमार नकःमिं वंगु कार्तिक २७ गतेया दिं किपूया ९ वडाय् च्वंगु नगाउँ स्पोर्ट्स क्लबं ग्वसाः ग्वःगु टेबुल टेनिस कासाय् न्वःवाःगु खँयात कयाः कीर्तिपुर ब्याडमिन्टन क्लब किपूपाखें भत्सर्ना याःगु दु ।

किपू नगर प्राचीन कला, संस्कृति, विविध सम्पदा, धार्मिक सहिष्णुता व गौरवपूर्ण इतिहास कुबियाच्वंगु नगर खः व नेपाःया थीथी हिउपाःया झ्वलय् किपू सदां अग्रगमनया पक्षय् दनाच्वंगु दुलिसें स्थापनाकालनिसें हे किपू नगरपालिकाया थीथी आयाममध्ये खेलकुद किपू क्षेत्रयात म्हसीकेगु छगू सशक्त माध्यम जुयाच्वंगु दु धकाः कीर्तिपुर ब्याडमिन्टन क्लबपाखें सार्वजनिक याःगु भत्सर्ना पतिइ न्ह्यथनातःगु दु ।

वंगु कार्तिक २७ गते नगाउँ स्पोर्ट्स क्लबं ग्वसाः ग्वःगु टेबुल टेनिस कासाया समापन ज्याझ्वलय् मूपाहाँ कथं उपस्थित जुयादीम्ह किपू नगरपालिकाया मेयर राजकुमार नकःमिं थःगु न्वचू बिइगु झ्वलय् धाःगु खः, ‘आर्थिक व्यवस्था यायेफइगु अवस्था दु तर छु जुयाबिल धाःसा खेलाडी उत्पादन यायेगु सिबें भुँडी घटेयायेगु कासा अप्वः जुयाबिल । ब्याडमिन्टन कासा जुल, बहनी चच्छि टन्न वियर त्वन, सुथय् चःति हायेकाः भुँडी घटेयात । मब्यूसां मज्यू, ब्यू उलि प्रोडक्टिभ मजुल, उकिं नगरपालिकां प्रायोटाईज याःगु दु ।’

किपू नगरपालिकाया मेयर राजकुमार नकःमिया थ्वहे अभिव्यक्तियात कयाः कीर्तिपुर ब्याडमिन्टन क्लबया गम्भीर ध्यानाकर्षण जूगु दु धकाः सार्वजनिक जूगु भत्सर्ना पतिइ न्ह्यथनातःगु दु ।

कीर्तिपुर व्याडमिन्टन क्लबया सार्वजनिक जूगु भत्सर्ना पतिइ धयातःगु दु, ‘राज्यं परिभाषित याःगु स्थानीय सरकारया रुपं दूगु नगरपालिकाया मेयरथें जाःगु पदय् च्वनाः पूर्ण रुपं जानकारी मतःसे सत्यया लिक्क मच्वंसे नां हे कयाः ब्याडमिन्टन कासाप्रति बदनियत तयाब्यूगु अभिव्यक्ति पूर्ण गैरजिम्मेवार व अपमानजनक जूगु दु । उगु अभिव्यक्तिं किपू नगरया सकल कासामि व कासाह्यःमिपिन्त तच्वकं दुघाः लाःगु दु ।’

वि.सं. २००८ सालय् नेपाल ब्याडमिन्टन संघ विधिवत् पलिस्था जूसां नं बि.सं. २०३१ साल फागुन ५ गते त्रिभुवन विश्वविद्यालय हातादुने टियु ब्याडमिन्टन हल दयेके धुंकाः किपुली थुकिया व्यवस्थित सुरुवात जुल । ३१ सालपाखे हे चोबाहारय् च्वंगु हिमाल सिमेन्टं सामाजिक ज्याया नितिं धकाः छगू बोरा सिमेन्टवापत १५ पैसा आदिनाथ क्लबयात बियाः उगु ईनिसें विविध स्तरया कासा थुगु क्षेत्रय् ग्वसाः ग्वयाः वयाच्वंगु दु ।

वि.सं. २०६५ सालय् कीर्तिपुर व्याडमिन्टन क्लब विधिवत् पलिस्था लिपा थुगु क्लबलिसें युवा खेलकुद समूह, देवढोका ब्याडमिन्टन क्लब, जनसेवा ब्याडमिन्टन क्लब, चोभार ब्याडमिन्टन क्लब, मैत्री नगर ब्याडमिन्टन क्लब यानाः नगर दुनेया थीथी वडा व थासय् च्वंगु क्लबतय्गु ग्वसालय् राष्ट्रिय, क्षेत्रीय, नगर स्तरीय, वडा स्तरीय, विद्यालय स्तरीय, उमेर समूह व आन्तरिक यानाः दँ ज्वःछि थीथी कासात संचालनय् वयाच्वंगु सकसिनं स्यूगु हे खँ खः धकाः कीर्तिपुर ब्याडमिन्टन क्लबया भत्सर्ना पतिइ न्ह्यथनातःगु दु ।

अथेहे, क्लबं पिथंगु भत्सर्ना पतिइ धयातःगु दु, ‘कोभिड लिपा ब्याडमिन्टन कासाया लोकप्रियता अझ व्यापक व आकर्षक जूगु दु । नगरपालिका दुने सकतां वडा, त्वाःत्वालय् यानाः ५० औं कोर्ट निर्माण जूगु दु । ब्याडमिन्टन व्यक्तिगत कासा खः । किपू क्षेत्रपाखें हे उत्पाडित खेलाडी राष्ट्रिय  कर्पोरेट कासाय् न्हाप, ल्यू जुइत ताःलाःगु इतिहास दु । राष्ट्रिय ¥याडकिङ कासाय् सहभागी खेलाडीपिं टप २० इ वयेत ताःलाःगु वर्तमान दु । क्षेत्रगत कासाय् किपू नगरया दवदवा कायम दु । नगर दुने खेलाडी उत्साहित रुपं सहभागी जुयाच्वंगु दु । थुलि विध्न उत्साह दूगु कासाप्रति निरुत्साह ब्वलंकेगु कथं खेलाडी उत्पादन मजुइगु, बहनी चच्छि टन्न वियर त्वनाः सुथय् चःति हायेकाः भुँडी जक घटेयायेगु ज्या याःगु धकाः किपू नगरपालिकाया मेयर नकःमिं ब्यूगु अभिव्यक्तिप्रति कीर्तिपुर ब्याडमिन्टन क्लबया गम्भीर ध्यानाकर्षण जूगु व उकियात घोर भत्सर्ना याना

Categorized in कासा