city axpris 2

किपूया भेट्रान ब्वाकासामि (धावक) धर्म महर्जन मुम्बई म्याराथनय् ब्वां वनीगु

नेवा: अनलाइन न्युज – ललेन्द्र शाक्य | २०८० माघ ५, शुक्रबार १५:२६:१२

स्वनिगःया दक्षिण पश्चिमय् लाःगु किपूया काय् मचा नेपाःया भेट्रान ब्वा कासामि धर्म महर्जनं जनवरी २१ स जुइगु टाटा मुम्बई म्याराथनय् ब्वां वनीगु जूगु दु ।

कासाय् ब्वति कायेत धर्म महर्जन शुक्रवाः भारतया मुम्बई थ्यंकीगु जूगु दु ।

भेट्रान ब्वा कासामि धर्म महर्जनयात राष्ट्रिय खेलकुद परिषदया सदस्य सचिव टंकलाल घिसिङं बिहिवाः बिदाइ याःगु खः ।  धर्म महर्जनं ५० दँ च्वय् उमेर समूहस धेंधेंबल्ला याइगु जूगु दु ।

ब्वा कासामि महर्जनयात त्रिशक्ति सिमेन्टं प्रायोजन याःगु दु । त्रिशक्तिया मार्केटिङ म्यानेजर किशन चरणं ब्वाकासामि धर्म महर्जनयात तत्काल आंशिक प्रायोजन यानागु धासें बांलाःगु लिच्वः हासिक याःसा थप ग्वाहालि यायेगु प्रतिबद्धता प्वंकूगु दु ।

धर्म महर्जनं हलिंया प्रसिद्ध जूगु बोस्टन, बर्लिन, लण्डन व टोकियो म्याराथनय् सहभागिता प्वंकेधुंकूगु दु ।

थीथी दूरीया अन्तर्राष्ट्रिय ब्वा कासाय् सहभागिता प्वंकेधुंकूम्ह महर्जनं जापानया किताकामीइ सन् २०१४ स जूगु १८ क्वःगु एसियाली मास्टर्स एथलेटिक्सया १० हजार मिटरय धाःसा कास्य पदक त्याकूगु खः ।

धर्म महर्जन किपू नगरपालिका १ वडा बाघभैरव परिसरया सलिंछेँया स्थानीय बासिन्दा खःसा थौंकन्हय् वय्कः किपू नगरपालिका १० वडा ट्यांगलाफाँटय् च्वनाः वयाच्वनादीगु दु ।

Categorized in कासा